اتىراۋدا وبلىس ەكٸمٸنٸڭ ورىنباسارى باقىتگٷل حامەنوۆا كوروناۆيرۋسقا قارسى ۆاكتسينا سالدىردى, دەپ حابارلايدى "ۇلت اقپارات".
وبلىستىق دەنساۋلىق ساقتاۋ باسقارماسى باسپاسٶز قىزمەتٸنٸڭ مەلٸمەتٸنشە, قاۋٸپتٸ ۆيرۋسقا قارسى «سپۋتنيك V» ۆاكتسيناسىنىڭ 1000 دوزاسى جەتكٸزٸلگەن. باستاپقى مەديتسينالىق-سانيتارلىق كٶمەك كٶرسەتەتٸن 24 مەكەمەدە ۆاكتسينا سالۋعا ارنالعان ورىندار جاساقتالعان. ونىڭ ٸشٸندە 15-ٸ مەملەكەتتٸك, قالعاندارى – جەكەمەنشٸك مەديتسينالىق ۇيىمدار. ۆاكتسينا سلاتىن 16 پۋنكت قالادا ورنالاسقان. ال, ماقات اۋدانىندا 2, باسقا اۋدانداردا بٸر پۋنكتەن بار.
اتىراۋ قالاسىنداعى №3 ەمحانادا «سپۋتنيك V» ۆاكتسيناسىن وبلىس ەكٸمٸنٸڭ ورىنباسارى باقىتگٷل حامەنوۆا, وبلىستىق دەنساۋلىق ساقتاۋ باسقارماسىنىڭ باسشىسى اسحان بايدۋەليەۆ, وبلىستىق سانيتارييالىق-ەپيدەميولوگييالىق باقىلاۋ دەپارتامەنتٸنٸڭ باسشىسى مەدەنيەت تاناۋوۆ, وبلىستىق ونكولوگييالىق ديسپانسەردٸڭ ديرەكتورى ەلميرا ساپاروۆا, وبلىستىق اۋرۋحانا ديرەكتورى ەربول يمانعاليەۆ سالدىردى.
«ۆاكتسينا الماس بۇرىن دەنە قىزۋىمدى ٶلشەدٸ. ەكپە سالۋ كابينەتٸنەن شىققاننان كەيٸن دەرٸگەردٸڭ باقىلاۋىندا بولدىم. جاعدايىم قالىپتى. ەندٸ 21 كٷننەن كەيٸن ۆاكتسينانىڭ ەكٸنشٸ بٶلٸگٸن الامىن», - دەدٸ باقىتگٷل حامەنوۆا.
