Buryn Qairat Satybaldynyń otbasyna tiesili bolǵan «Baisat» bazary bir jylǵa jýyq ýaqyttan beri satylymǵa shyǵarylǵanymen, oǵan áli kúnge deiin satyp alýshy tabylmaǵan, dep habarlaidy ult.kz.
Bul týraly Ortalyq kommýnikatsiialar qyzmetinde ótken brifingte Qarjy ministrliginiń Memlekettik múlik jáne jekeshelendirý komitetiniń tóraǵasy Nurmahan Ádilbekov málimdedi.
Onyń aitýynsha, bazardy satý boiynsha birneshe ret aýktsion uiymdastyrylǵanymen, investorlar tarapynan ótinim túspegen.
«Bul suranystyń tómen bolýyna nemese investorlarda mundai kólemdegi qarajattyń bolmaýyna bailanysty bolýy múmkin. Eger nysan aldaǵy ýaqytta da satylmasa, ony Almaty qalasy ákimdiginiń kommýnaldyq menshigine berý máselesi qarastyrylýy yqtimal», – dedi komitet tóraǵasy.
Mamyr aiynyń sońynda bazar úlesi kezekti ret aýktsionǵa qoiylǵan. Alaida ótinimderdiń bolmaýyna bailanysty saýda ótkizilmegen dep tanyldy.
«Baisat» bazaryn satý áreketteri birneshe ret jasaldy. Alǵashynda nysan 28,6 milliard teńgege baǵalansa, keiin onyń quny 26,7 milliard teńgege deiin tómendetildi. 2026 jyldyń qańtarynda baǵa taǵy arzandatylyp, 24,7 milliard teńgege usynyldy.
«Baisat» – Almatydaǵy iri kóterme-bólshek saýda ortalyqtarynyń biri. Tergeý barysynda nysannyń bir bóligi memleketke erikti túrde qaitarylǵany, al qalǵan úlesteri sot sheshimimen tárkilengeni belgili boldy. Sondai-aq bazardyń kezinde zań buzýshylyqtarmen jáne tómendetilgen baǵamen jekeshelendirilgeni anyqtalǵan.
Eske salaiyq, Qairat Satybaldy 2022 jyly asa iri kólemdegi qarjy jymqyrý isi boiynsha 6 jylǵa sottalǵan. Keiin memleketke júzdegen milliard teńgeniń aktivterin qaitardy. Al 2024 jyldyń tamyzynda sot onyń qalǵan jaza merzimin bas bostandyǵyn shekteý jazasyna aýystyrǵan bolatyn.
