Baian Alagózovanyń Threads jelisindegi dini taqyryptaǵy jazbasy áleýmettik jelide qyzý talqylanyp jatyr. Prodiýser óz jazbasynda din men onyń nasihatynan sharshaǵanyn aityp, pikirin ashyq bildirdi, dep habarlaidy ult.kz.
Alagózova dindi jáne onyń nasihatyn qabyldamaitynyn aityp, jumaqta er adamdardy «72 pák qyz kútetini» týraly túsinikke qatysty suraq qoidy.
Onyń bul jazbasynan keiin áleýmettik jeli qoldanýshylary arasynda pikirtalas órbidi. Keibir qoldanýshylar Baian Alagózovany dini alaýyzdyq týdyrdy dep aiyptap, tipti ony qylmystyq jaýapkershilikke tartý kerek degen pikir bildirdi.
Osy pikirtalasqa ánshi Móldir Áýelbekova da qosyldy. Ol Threads-tegi jazbasynda:
«Dini saýaty joq adamdarmen din týraly sóz talastyrý beker. Islam men radikaldy ajyratýǵa da bilim kerek», – dep jazdy.
Baian Alagózovanyń dini taqyryptaǵy pikirleri buǵan deiin de áleýmettik jelide talqylanǵan. Máselen, biyl naýryz aiynda ol Qazaqstandaǵy dini nasihat pen dini aǵymdardyń yqpalyna qatysty alańdaýshylyǵyn bildirgen bolatyn.
Al qazirgi jazbasyna qatysty resmi túrde qylmystyq is qozǵalǵany nemese Baian Alagózovaǵa qandai da bir quqyqtyq shara qoldanylǵany týraly aqparat joq.
