Qazaqstandyq prodiýser Baian Alagózovanyń dini taqyryptaǵy áleýmettik jelidegi jazbalaryna qatysty politsiiaǵa aryz berildi. Bul týraly Threads jelisindegi jazbada aityldy, dep habarlaidy ult.kz.
Aryzdanýshy Alagózovanyń jariialanymdarynda dini alaýyzdyqty qozdyrý belgileri bar-joǵyn tekserýdi suraǵan.
Ótinishte prodiýserdiń din men dindarlarǵa qatysty kemsitetin jáne qorlaityn sipattaǵy sózder qoldanǵany aitylǵan. Sondai-aq onyń tozaq pen jumaqtyń bar ekenine senbeitini týraly pikirine nazar aýdarylǵan.
Budan bólek, aryzda sheiit bolǵandarǵa qatysty qoǵamda keń taraǵan «72 pák qyz» týraly túsinikke bailanysty ironiialyq sózi de atalǵan.
Aryzǵa Baian Alagózovanyń Threads jelisindegi jazbasy sebep bolǵan. Onda prodiýser din men onyń nasihatynan sharshaǵanyn jazǵan. Sonymen qatar tozaq pen jumaqtyń bar ekenine senbeitinin aityp, sheiit bolǵandarǵa o dúniede beriletin syi týraly túsinikke kúmán keltirgen.
Jazba áleýmettik jelide qyzý talqyǵa tústi.
Aryzdyń eOtinish júiesindegi skrinshotynda ótinishtiń mártebesi «Tirkeýde» dep kórsetilgen.
Ázirge Baian Alagózovaǵa qatysty sotqa deiingi tergep-tekserý bastalǵany nemese tekserý nátijesi týraly resmi aqparat joq.
Aryzdyń berilýi Alagózovanyń zań buzǵanyn bildirmeidi. Onyń sózderine quqyqtyq baǵany tiisti ýákiletti organdar berýi tiis.
Aita keteiik, Baian Alagózovany dini alaýyzdyq úshin jaýapqa tartýdy buǵan deiin de usynylǵan. Máselege Móldir Áýelbekova aralasty.
