قازاقستاندىق پروديۋسەر بايان الاگٶزوۆانىڭ دٸني تاقىرىپتاعى ەلەۋمەتتٸك جەلٸدەگٸ جازبالارىنا قاتىستى پوليتسيياعا ارىز بەرٸلدٸ. بۇل تۋرالى Threads جەلٸسٸندەگٸ جازبادا ايتىلدى, دەپ حابارلايدى ult.kz.
ارىزدانۋشى الاگٶزوۆانىڭ جارييالانىمدارىندا دٸني الاۋىزدىقتى قوزدىرۋ بەلگٸلەرٸ بار-جوعىن تەكسەرۋدٸ سۇراعان.
ٶتٸنٸشتە پروديۋسەردٸڭ دٸن مەن دٸندارلارعا قاتىستى كەمسٸتەتٸن جەنە قورلايتىن سيپاتتاعى سٶزدەر قولدانعانى ايتىلعان. سونداي-اق ونىڭ توزاق پەن جۇماقتىڭ بار ەكەنٸنە سەنبەيتٸنٸ تۋرالى پٸكٸرٸنە نازار اۋدارىلعان.
بۇدان بٶلەك, ارىزدا شەيٸت بولعاندارعا قاتىستى قوعامدا كەڭ تاراعان «72 پەك قىز» تۋرالى تٷسٸنٸككە بايلانىستى يرونييالىق سٶزٸ دە اتالعان.
ارىزعا بايان الاگٶزوۆانىڭ Threads جەلٸسٸندەگٸ جازباسى سەبەپ بولعان. وندا پروديۋسەر دٸن مەن ونىڭ ناسيحاتىنان شارشاعانىن جازعان. سونىمەن قاتار توزاق پەن جۇماقتىڭ بار ەكەنٸنە سەنبەيتٸنٸن ايتىپ, شەيٸت بولعاندارعا و دٷنيەدە بەرٸلەتٸن سىي تۋرالى تٷسٸنٸككە كٷمەن كەلتٸرگەن.
جازبا ەلەۋمەتتٸك جەلٸدە قىزۋ تالقىعا تٷستٸ.
ارىزدىڭ eOtinish جٷيەسٸندەگٸ سكرينشوتىندا ٶتٸنٸشتٸڭ مەرتەبەسٸ «تٸركەۋدە» دەپ كٶرسەتٸلگەن.
ەزٸرگە بايان الاگٶزوۆاعا قاتىستى سوتقا دەيٸنگٸ تەرگەپ-تەكسەرۋ باستالعانى نەمەسە تەكسەرۋ نەتيجەسٸ تۋرالى رەسمي اقپارات جوق.
ارىزدىڭ بەرٸلۋٸ الاگٶزوۆانىڭ زاڭ بۇزعانىن بٸلدٸرمەيدٸ. ونىڭ سٶزدەرٸنە قۇقىقتىق باعانى تيٸستٸ ۋەكٸلەتتٸ ورگاندار بەرۋٸ تيٸس.
ايتا كەتەيٸك, بايان الاگٶزوۆانى دٸني الاۋىزدىق ٷشٸن جاۋاپقا تارتۋدى بۇعان دەيٸن دە ۇسىنىلعان. مەسەلەگە مٶلدٸر ەۋەلبەكوۆا ارالاستى.
