Astanada ótetin kontserti qarsańynda Baian Alagózova Aman Tasyǵanǵa suhbat berip, ótken ómiri, onyń ishinde burynǵy kúieýi Baqytbek Esentaev týraly syr bólisti, dep habarlaidy ult.kz.
Baian Alagózovanyń aitýynsha, ol burynǵy kúieýin sońǵy ret ortaq qudasyna arnalǵan asqa barǵan kezde kórgen. Ekeýi jeke sóilespegen, aktrisa ony alystan ǵana baiqap qalǵan.
«Ony kórgen kezde eshteńe sezbedim. Men jibere de, keshire de alamyn. Ótkendi ózgertýge tyrysýdyń máni joq, óitkeni ony qaitarý múmkin emes», – dedi Baian Alagózova.
Ol basynan ótkergen oqiǵadan keiingi alǵashqy bes jyl ózine óte aýyr bolǵanyn aitty. Osy kezeńde birneshe ret ota jasatqan. Alagózovanyń sózinshe, otadan keiin oianǵanda burynǵy kúieýine degen ashý men renishti qaita sezinetin kezderi bolǵan.
Alaida ýaqyt óte kele ol ótkendi ózgertýge degen talpynystyń maǵynasyz ekenin túsinip, bul jaǵdaidy qabyldaǵan.
Suhbat barysynda Baian Móldirmen qaitadan birge jumys isteýge qatysty da pikir bildirdi. Ol birlesken jumysqa qaita oralǵysy kelmeitinin ashyq aitty.
Al Baljan Bidash týraly naqty jaýap bermedi. Osyǵan bailanysty ánshiniń Baian Alagózovanyń Astanadaǵy kontsertine qatysýy múmkin degen boljam aitylyp jatyr. Onyń sahnaǵa shyǵatyny ázirge qupiia bolyp otyr.
