استانادا ٶتەتٸن كونتسەرتٸ قارساڭىندا بايان الاگٶزوۆا امان تاسىعانعا سۇحبات بەرٸپ, ٶتكەن ٶمٸرٸ, ونىڭ ٸشٸندە بۇرىنعى كٷيەۋٸ باقىتبەك ەسەنتاەۆ تۋرالى سىر بٶلٸستٸ, دەپ حابارلايدى ult.kz.
بايان الاگٶزوۆانىڭ ايتۋىنشا, ول بۇرىنعى كٷيەۋٸن سوڭعى رەت ورتاق قۇداسىنا ارنالعان اسقا بارعان كەزدە كٶرگەن. ەكەۋٸ جەكە سٶيلەسپەگەن, اكتريسا ونى الىستان عانا بايقاپ قالعان.
«ونى كٶرگەن كەزدە ەشتەڭە سەزبەدٸم. مەن جٸبەرە دە, كەشٸرە دە الامىن. ٶتكەندٸ ٶزگەرتۋگە تىرىسۋدىڭ مەنٸ جوق, ٶيتكەنٸ ونى قايتارۋ مٷمكٸن ەمەس», – دەدٸ بايان الاگٶزوۆا.
ول باسىنان ٶتكەرگەن وقيعادان كەيٸنگٸ العاشقى بەس جىل ٶزٸنە ٶتە اۋىر بولعانىن ايتتى. وسى كەزەڭدە بٸرنەشە رەت وتا جاساتقان. الاگٶزوۆانىڭ سٶزٸنشە, وتادان كەيٸن ويانعاندا بۇرىنعى كٷيەۋٸنە دەگەن اشۋ مەن رەنٸشتٸ قايتا سەزٸنەتٸن كەزدەرٸ بولعان.
الايدا ۋاقىت ٶتە كەلە ول ٶتكەندٸ ٶزگەرتۋگە دەگەن تالپىنىستىڭ ماعىناسىز ەكەنٸن تٷسٸنٸپ, بۇل جاعدايدى قابىلداعان.
سۇحبات بارىسىندا بايان مٶلدٸرمەن قايتادان بٸرگە جۇمىس ٸستەۋگە قاتىستى دا پٸكٸر بٸلدٸردٸ. ول بٸرلەسكەن جۇمىسقا قايتا ورالعىسى كەلمەيتٸنٸن اشىق ايتتى.
ال بالجان بيداش تۋرالى ناقتى جاۋاپ بەرمەدٸ. وسىعان بايلانىستى ەنشٸنٸڭ بايان الاگٶزوۆانىڭ استاناداعى كونتسەرتٸنە قاتىسۋى مٷمكٸن دەگەن بولجام ايتىلىپ جاتىر. ونىڭ ساحناعا شىعاتىنى ەزٸرگە قۇپييا بولىپ وتىر.
