Baǵlan Mailybaev pen Nikolai Galihinniń qamaý merzimi uzartyldy, - dep habarlaidy Tengrinews.kz tilshisi sottyń baspasóz qyzmetine silteme jasap.
"7 naýryzda Astananyń № 2 Esil aýdandyq soty Prezident Ákimshiligi Basshysynyń burynǵy orynbasary Baǵlan Mailybaev pen Prezident Ákimshiligindegi ishki saiasat bólimi meńgerýshisiniń orynbasary Nikolai Galihinniń qamaý merzimin 12 mamyrǵa deiin uzartty", - dedi Astana sotynyń baspasóz qyzmetindegiler.
Eske sala keteiik, Baǵlan Mailybaev 16 qańtarda qamaýǵa alynǵan bolatyn. QR Ulttyq qaýipsizdik komiteti Mailybaevty Qazaqstan Respýblikasy Qylmystyq kodeksiniń 185-baby 1, 3-bóliginde kózdelgen ("Memlekettik qupiialardy zańsyz jinaý, taratý, jariia etý") qylmystardy jasady degen kúdikpen ustaǵan edi. Sondai-aq, memlekettik qupiiany jariialady degen kúdikpen QR Prezidenti Ákimshiliginiń qyzmetkeri Nikolai Galihin ustalǵan bolatyn.
