QR Densaýlyq saqtaý ministrliginiń resmi ókili Baǵdat Qojahmetov aýyl-aimaqtardy dári-dármekpen qamtý máselesine pikir bildirdi, dep habarlaidy QazAqparat.
«Qazaqstan halqynyń jartysyna jýyǵy aýyldyq jerde ómir súredi. Aýylǵa biz óte biik dárejede nazar aýdaramyz. Jańa tolqynǵa (koronavirýs indetiniń - red.) jalpy somasy 8,2 mlrd teńgege dári-dármek satyp alyndy. Halyq arasynda suranysqa ie 44 túrli dári-dármek daiyndaldy. Respýblikaǵa shaqtalǵan dári-dármek qorynan aýyldaǵy aǵaiyn da qaǵylmaidy dep sóz bere alamyn. Jetispeýshilik baiqalsa, mindetti túrde ministrlikke sol aqparatty jetkizińizder. Aýyldyq jerlerdegi alǵashqy meditsinalyq kómek kórsetetin mekemeler jaǵdaiy tekserilip jatyr. Sondyqtan, aýyldarda dári-dármek tapshylyǵy bolmaidy dep senemin», - dep jaýap berdi resmi ókil Ortalyq kommýnikatsiialar qyzmetinde tilshi suraǵyna.
