قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ باعدات قوجاحمەتوۆ اۋىل-ايماقتاردى دەرٸ-دەرمەكپەن قامتۋ مەسەلەسٸنە پٸكٸر بٸلدٸردٸ, دەپ حابارلايدى قازاقپارات.
«قازاقستان حالقىنىڭ جارتىسىنا جۋىعى اۋىلدىق جەردە ٶمٸر سٷرەدٸ. اۋىلعا بٸز ٶتە بيٸك دەرەجەدە نازار اۋدارامىز. جاڭا تولقىنعا (كوروناۆيرۋس ٸندەتٸنٸڭ - رەد.) جالپى سوماسى 8,2 ملرد تەڭگەگە دەرٸ-دەرمەك ساتىپ الىندى. حالىق اراسىندا سۇرانىسقا يە 44 تٷرلٸ دەرٸ-دەرمەك دايىندالدى. رەسپۋبليكاعا شاقتالعان دەرٸ-دەرمەك قورىنان اۋىلداعى اعايىن دا قاعىلمايدى دەپ سٶز بەرە الامىن. جەتٸسپەۋشٸلٸك بايقالسا, مٸندەتتٸ تٷردە مينيسترلٸككە سول اقپاراتتى جەتكٸزٸڭٸزدەر. اۋىلدىق جەرلەردەگٸ العاشقى مەديتسينالىق كٶمەك كٶرسەتەتٸن مەكەمەلەر جاعدايى تەكسەرٸلٸپ جاتىر. سوندىقتان, اۋىلداردا دەرٸ-دەرمەك تاپشىلىعى بولمايدى دەپ سەنەمٸن», - دەپ جاۋاپ بەردٸ رەسمي ٶكٸل ورتالىق كوممۋنيكاتسييالار قىزمەتٸندە تٸلشٸ سۇراعىنا.
