Qazaqstanda azyq-túlik baǵasy bir jylda (2019 jylǵy sáýir - 2020 jylǵy sáýir aralyǵy) 10,4% qymbattady, dep habarlaidy "Ult aqparat".
QR Ulttyq ekonomika ministrligi Statistika komitetiniń aqparatyna súiensek, elde nan ónimderi jáne jarmalar, et, balyq jáne teńiz ónimderi, sút ónimderi, jumyrtqa, mai jáne tońmai, konditerlik ónimder, jańa jinalǵan kókónister men jemister, alkogolsiz sýsyndar jáne alkogoldi ishimdikter qymbattady. Al qant kerisinshe, arzandai túsken.
Statistika komiteti 2019 jylǵy sáýir men 2020 jylǵy sáýir aiy aralyǵyndaazyq-túlik baǵasy qalai ózgergenin málim etti.
Atap aitqanda, birinshi surypty nan byltyrǵy sáýirde 137 teńge tursa, biyl 150 teńgege deiin kóterilgen. Eń qymbat baǵa – 178 teńge Atyraý qalasynda tirkeldi.
Siyr eti 2019 jylǵy sáýirdegi 1575 teńgeden 1882 teńgege deiin qymbattady. Eń qymbat baǵa – 2169 teńge Almaty qalasynda boldy.
Súiegi bar qoi etine baǵa 1502 teńgeden 1814 teńgege deiin ósti. Qymbat baǵa (2451 teńge) Nur-Sultan qalasynda anyqtaldy.
Taýyq etine baǵa 753 teńgeden 847 teńgege deiin artty. Nur-Sultan qalasynda boldy 979 teńgege (eń qymbaty) satylýda.
Tuzdalmaǵan sary mai quny 2185 teńgeden 2515 teńgege deiin ósti. Eń qymbat mai (4015 teńge) Aqtaý qalasynyń dúkenderinde.
Suiyq mai (1 litri úshin) bir jylda asa qymbattai qoimaǵan. Byltyr – 433, biyl 434 teńge turady. Eń qymbat baǵany (484 teńge) Aqtaý qalasynda kezdestirýge bolady.
Jumyrtqa (10 danasy) baǵasy 265 teńgeden 298 teńgege kóterilgen. Eń qymbat baǵa (364 teńge) Almaty qalasynda tirkeldi.
Kartop byltyr 87 teńge tursa, biylǵy sáýirde 124 teńgege kóterilgen. Qymbat baǵa Almaty qalasynda – 169 teńge.
Qyryqqabat byltyrǵy sáýirde 200 teńge tursa, biyl 124 teńgege arzandaǵan. 150 teńgege (eń qymbat) Aqtaý dúkenderinde satylyp jatyr.
Piiaz baǵasy 99 teńgeden 104 teńgege ósken. Eń qymbat baǵa Nur-Sultan qalasynda – 145 teńge.
Sábiz bir jylda 7 teńgege qymbattap, 115 teńge boldy. Eń joǵary baǵa Aqtaý qalasynda tirkeldi – 157 teńge.
Alma quny 364 teńgeden 474 teńgege artty. Qaraǵandy saýdagerleri bir keli alma úshin 655 teńge suraidy. Bul - elimizdegi eń qymbat baǵa.
«2020 jylǵy sáýirde jarma ónimderi tobynda qaraqumyq jarmasyna ortasha baǵa kelisine 349 teńgeni (2019 jylǵy sáýirde – 243 teńge), suly jarmasyna – 357 teńgeni (334 teńge), sókke – 372 teńgeni (285 teńge), kúrishke 373 teńgeni (333 teńge) qurady.
Qanttyń ortasha baǵasy biylǵy sáýirde kelisine 213 teńgeni, 2019 jylǵy sáýirde 243 teńgeni qurady. Sút ónimderinen súzbege ortasha baǵa kelisine 1637 teńgeni (2019 jylǵy sáýirde – 1562 teńge), qaimaqqa – 1136 teńgeni (1050 teńge), airanǵa – 305 teńgeni (285 teńge), pasterlengen sútke 260 teńgeni (240 teńge) qurady», - delingen aqparatta.
