قازاقستاندا ازىق-تٷلٸك باعاسى بٸر جىلدا (2019 جىلعى سەۋٸر - 2020 جىلعى سەۋٸر ارالىعى) 10,4% قىمباتتادى, دەپ حابارلايدى "ۇلت اقپارات".
قر ۇلتتىق ەكونوميكا مينيسترلٸگٸ ستاتيستيكا كوميتەتٸنٸڭ اقپاراتىنا سٷيەنسەك, ەلدە نان ٶنٸمدەرٸ جەنە جارمالار, ەت, بالىق جەنە تەڭٸز ٶنٸمدەرٸ, سٷت ٶنٸمدەرٸ, جۇمىرتقا, ماي جەنە توڭماي, كونديتەرلٸك ٶنٸمدەر, جاڭا جينالعان كٶكٶنٸستەر مەن جەمٸستەر, الكوگولسٸز سۋسىندار جەنە الكوگولدٸ ٸشٸمدٸكتەر قىمباتتادى. ال قانت كەرٸسٸنشە, ارزانداي تٷسكەن.
ستاتيستيكا كوميتەتٸ 2019 جىلعى سەۋٸر مەن 2020 جىلعى سەۋٸر ايى ارالىعىنداازىق-تٷلٸك باعاسى قالاي ٶزگەرگەنٸن مەلٸم ەتتٸ.
اتاپ ايتقاندا, بٸرٸنشٸ سۇرىپتى نان بىلتىرعى سەۋٸردە 137 تەڭگە تۇرسا, بيىل 150 تەڭگەگە دەيٸن كٶتەرٸلگەن. ەڭ قىمبات باعا – 178 تەڭگە اتىراۋ قالاسىندا تٸركەلدٸ.
سيىر ەتٸ 2019 جىلعى سەۋٸردەگٸ 1575 تەڭگەدەن 1882 تەڭگەگە دەيٸن قىمباتتادى. ەڭ قىمبات باعا – 2169 تەڭگە الماتى قالاسىندا بولدى.
سٷيەگٸ بار قوي ەتٸنە باعا 1502 تەڭگەدەن 1814 تەڭگەگە دەيٸن ٶستٸ. قىمبات باعا (2451 تەڭگە) نۇر-سۇلتان قالاسىندا انىقتالدى.
تاۋىق ەتٸنە باعا 753 تەڭگەدەن 847 تەڭگەگە دەيٸن ارتتى. نۇر-سۇلتان قالاسىندا بولدى 979 تەڭگەگە (ەڭ قىمباتى) ساتىلۋدا.
تۇزدالماعان سارى ماي قۇنى 2185 تەڭگەدەن 2515 تەڭگەگە دەيٸن ٶستٸ. ەڭ قىمبات ماي (4015 تەڭگە) اقتاۋ قالاسىنىڭ دٷكەندەرٸندە.
سۇيىق ماي (1 ليترٸ ٷشٸن) بٸر جىلدا اسا قىمباتتاي قويماعان. بىلتىر – 433, بيىل 434 تەڭگە تۇرادى. ەڭ قىمبات باعانى (484 تەڭگە) اقتاۋ قالاسىندا كەزدەستٸرۋگە بولادى.
جۇمىرتقا (10 داناسى) باعاسى 265 تەڭگەدەن 298 تەڭگەگە كٶتەرٸلگەن. ەڭ قىمبات باعا (364 تەڭگە) الماتى قالاسىندا تٸركەلدٸ.
كارتوپ بىلتىر 87 تەڭگە تۇرسا, بيىلعى سەۋٸردە 124 تەڭگەگە كٶتەرٸلگەن. قىمبات باعا الماتى قالاسىندا – 169 تەڭگە.
قىرىققابات بىلتىرعى سەۋٸردە 200 تەڭگە تۇرسا, بيىل 124 تەڭگەگە ارزانداعان. 150 تەڭگەگە (ەڭ قىمبات) اقتاۋ دٷكەندەرٸندە ساتىلىپ جاتىر.
پيياز باعاسى 99 تەڭگەدەن 104 تەڭگەگە ٶسكەن. ەڭ قىمبات باعا نۇر-سۇلتان قالاسىندا – 145 تەڭگە.
سەبٸز بٸر جىلدا 7 تەڭگەگە قىمباتتاپ, 115 تەڭگە بولدى. ەڭ جوعارى باعا اقتاۋ قالاسىندا تٸركەلدٸ – 157 تەڭگە.
الما قۇنى 364 تەڭگەدەن 474 تەڭگەگە ارتتى. قاراعاندى ساۋداگەرلەرٸ بٸر كەلٸ الما ٷشٸن 655 تەڭگە سۇرايدى. بۇل - ەلٸمٸزدەگٸ ەڭ قىمبات باعا.
«2020 جىلعى سەۋٸردە جارما ٶنٸمدەرٸ توبىندا قاراقۇمىق جارماسىنا ورتاشا باعا كەلٸسٸنە 349 تەڭگەنٸ (2019 جىلعى سەۋٸردە – 243 تەڭگە), سۇلى جارماسىنا – 357 تەڭگەنٸ (334 تەڭگە), سٶككە – 372 تەڭگەنٸ (285 تەڭگە), كٷرٸشكە 373 تەڭگەنٸ (333 تەڭگە) قۇرادى.
قانتتىڭ ورتاشا باعاسى بيىلعى سەۋٸردە كەلٸسٸنە 213 تەڭگەنٸ, 2019 جىلعى سەۋٸردە 243 تەڭگەنٸ قۇرادى. سٷت ٶنٸمدەرٸنەن سٷزبەگە ورتاشا باعا كەلٸسٸنە 1637 تەڭگەنٸ (2019 جىلعى سەۋٸردە – 1562 تەڭگە), قايماققا – 1136 تەڭگەنٸ (1050 تەڭگە), ايرانعا – 305 تەڭگەنٸ (285 تەڭگە), پاستەرلەنگەن سٷتكە 260 تەڭگەنٸ (240 تەڭگە) قۇرادى», - دەلٸنگەن اقپاراتتا.
