Aziianyń álemdik ekonomikadaǵy róli aitarlyqtai artty. Bul týraly «Ortalyq Aziia – Úndistan» sammitinde Memleket basshysy Qasym-Jomart Toqaev aitty, dep habarlaidy QazAqparat.
«Osy sammittiń bizdiń elder arasynda diplomatiialyq qatynystardyń ornaýyna 30 jyl tolǵan merzimde ótip jatqany simvoldyq mánge ie», - dedi Memleket basshysy.
Qazaqstan Prezidenti osy jyldar ishinde taraptar syndarly saiasi dialog ornatqanyn, turaqty túrde ekonomikalyq ári gýmanitarlyq bailanystar nyǵaitylǵanyn atap ótti.
«Aziia óńiri aýqymdy resýrstarǵa jáne eleýli ziiatkerlik áleýetke ie bolyp otyr. Osynda mańyzdy kóliktik dálizder men jyldam ósip kele jatqan naryqtar shoǵyrlanǵan. Aziianyń álemdik ekonomikadaǵy róli aitarlyqtai artty. Ol investitsiia men kaptaldyń tartylýynyń jahandyq jańa ortalyǵyna ainalyp keledi. Bul óz kezeginde bizdiń elder arasynda ózara tiimdi yntymaqtastyqtyń qolaily múmkindikterin júzege asyrý úshin úlken perspektivany ashyp otyr. Birinshi kezekte ol saýdaǵa qatysty bolyp tur», - dedi Qasym-Jomart Toqaev.
