ازييانىڭ ەلەمدٸك ەكونوميكاداعى رٶلٸ ايتارلىقتاي ارتتى. بۇل تۋرالى «ورتالىق ازييا – ٷندٸستان» سامميتٸندە مەملەكەت باسشىسى قاسىم-جومارت توقاەۆ ايتتى, دەپ حابارلايدى قازاقپارات.
«وسى سامميتتٸڭ بٸزدٸڭ ەلدەر اراسىندا ديپلوماتييالىق قاتىنىستاردىڭ ورناۋىنا 30 جىل تولعان مەرزٸمدە ٶتٸپ جاتقانى سيمۆولدىق مەنگە يە», - دەدٸ مەملەكەت باسشىسى.
قازاقستان پرەزيدەنتٸ وسى جىلدار ٸشٸندە تاراپتار سىندارلى ساياسي ديالوگ ورناتقانىن, تۇراقتى تٷردە ەكونوميكالىق ەرٸ گۋمانيتارلىق بايلانىستار نىعايتىلعانىن اتاپ ٶتتٸ.
«ازييا ٶڭٸرٸ اۋقىمدى رەسۋرستارعا جەنە ەلەۋلٸ زيياتكەرلٸك ەلەۋەتكە يە بولىپ وتىر. وسىندا ماڭىزدى كٶلٸكتٸك دەلٸزدەر مەن جىلدام ٶسٸپ كەلە جاتقان نارىقتار شوعىرلانعان. ازييانىڭ ەلەمدٸك ەكونوميكاداعى رٶلٸ ايتارلىقتاي ارتتى. ول ينۆەستيتسييا مەن كاپتالدىڭ تارتىلۋىنىڭ جاھاندىق جاڭا ورتالىعىنا اينالىپ كەلەدٸ. بۇل ٶز كەزەگٸندە بٸزدٸڭ ەلدەر اراسىندا ٶزارا تيٸمدٸ ىنتىماقتاستىقتىڭ قولايلى مٷمكٸندٸكتەرٸن جٷزەگە اسىرۋ ٷشٸن ٷلكەن پەرسپەكتيۆانى اشىپ وتىر. بٸرٸنشٸ كەزەكتە ول ساۋداعا قاتىستى بولىپ تۇر», - دەدٸ قاسىم-جومارت توقاەۆ.
