Bokstan Birikken Arab ámirliginiń Dýbai qalasynda ótip jatqan Aziia chempionatynda erler arasynda jartylai final oiyndary ótti, dep habarlaidy "Ult aqparat".
Jarystyń atalǵan satysynda elimiz atynan 6 bylǵary qolǵap sheberi synǵa túsetinin jazǵan edik.
Jartylai finalda ringke alǵashqy bolyp shyqqan Daniial Sábit (49 keli) filippindik Mark Lester Diýrenstiń osal tusyn taba aldy.
Al Abylaihan Júsipov (69 keli) mońǵoliialyq Battómór Misheeltten myqty ekenin kórsetti.
Taǵy bir qazaqstandyq boksshy Ábilhan Amanqul 75 kelide irandyq Seiedshahin Mýsavidi tize búktirdi.
91 kelide Vasilii Levit qyrǵyzstandyq Rýstam Yrysbek ýýlmen sharshy alańda báseke kórigin qyzdyryp, jeńisti jolyn jalǵastyrdy.
Ulttyq qurama kapitany Qamshybek Qońqabaev (91 keli) irandyq Pýria Amiriden basym tústi.
Al 52 kelide Sáken Bibosynov Amit Pangaldan jeńilip qaldy.
Osylaisha qazaqstandyq 5 boksshy finalǵa joldama aldy.
Eske salsaq, keshe qyzdar arasynda jartylai final jekpe-jekteri ótti. 5 boksshy - finalda.
Aziia chempionaty 24 mamyrda bastaldy. Aqtyq kezdesýler 31 mamyrda bolady.
