بوكستان بٸرٸككەن اراب ەمٸرلٸگٸنٸڭ دۋباي قالاسىندا ٶتٸپ جاتقان ازييا چەمپيوناتىندا ەرلەر اراسىندا جارتىلاي فينال ويىندارى ٶتتٸ, دەپ حابارلايدى "ۇلت اقپارات".
جارىستىڭ اتالعان ساتىسىندا ەلٸمٸز اتىنان 6 بىلعارى قولعاپ شەبەرٸ سىنعا تٷسەتٸنٸن جازعان ەدٸك.
جارتىلاي فينالدا رينگكە العاشقى بولىپ شىققان دانييال سەبيت (49 كەلٸ) فيليپپيندٸك مارك لەستەر ديۋرەنستٸڭ وسال تۇسىن تابا الدى.
ال ابىلايحان جٷسٸپوۆ (69 كەلٸ) موڭعولييالىق باتتٶمٶر ميشەەلتتەن مىقتى ەكەنٸن كٶرسەتتٸ.
تاعى بٸر قازاقستاندىق بوكسشى ەبٸلحان امانقۇل 75 كەلٸدە يراندىق سەيەدشاحين مۋساۆيدٸ تٸزە بٷكتٸردٸ.
91 كەلٸدە ۆاسيليي لەۆيت قىرعىزستاندىق رۋستام ىرىسبەك ۋۋلمەن شارشى الاڭدا بەسەكە كٶرٸگٸن قىزدىرىپ, جەڭٸستٸ جولىن جالعاستىردى.
ۇلتتىق قۇراما كاپيتانى قامشىبەك قوڭقاباەۆ (91 كەلٸ) يراندىق پۋريا اميريدەن باسىم تٷستٸ.
ال 52 كەلٸدە سەكەن بيبوسىنوۆ اميت پانگالدان جەڭٸلٸپ قالدى.
وسىلايشا قازاقستاندىق 5 بوكسشى فينالعا جولداما الدى.
ەسكە سالساق, كەشە قىزدار اراسىندا جارتىلاي فينال جەكپە-جەكتەرٸ ٶتتٸ. 5 بوكسشى - فينالدا.
ازييا چەمپيوناتى 24 مامىردا باستالدى. اقتىق كەزدەسۋلەر 31 مامىردا بولادى.
