Almatyda qalanyń 2029 jylǵy X qysqy Aziia oiyndaryn ótkizýge daiyndyǵy aiasynda Aziia Olimpiadalyq keńesi (AOK) delegatsiiasynyń inspektsiialyq sapary ótti, dep habarlaidy ult.kz.
Delegatsiia quramyna Aziia Olimpiadalyq keńesiniń sport, media, aqparattyq tehnologiia jáne damý baǵdarlamalary baǵyttaryna jaýapty basshylary men mamandary kirdi.
Sapar aiasynda Almatynyń Aziia oiyndaryna daiyndyq barysyna arnalǵan jumys kezdesýi ótip, odan keiin delegatsiia qalanyń negizgi sport nysandary men qonaq úi infraqurylymymen tanysty.
Aziia Olimpiadalyq keńesiniń ókilderi Halyk Arena, Almaty Arena, «Medeý» biik taýly sport keshenin, «Shymbulaq» taý kýrortyn, «Suńqar» halyqaralyq shańǵy tramplinderi keshenin, Balýan Sholaq atyndaǵy Sport saraiyn, sondai-aq jarysqa qatysýshylar men resmi tulǵalardy ornalastyrý josparlanǵan birqatar qonaq úidi aralap kórdi.
