الماتىدا قالانىڭ 2029 جىلعى X قىسقى ازييا ويىندارىن ٶتكٸزۋگە دايىندىعى اياسىندا ازييا وليمپيادالىق كەڭەسٸ (اوك) دەلەگاتسيياسىنىڭ ينسپەكتسييالىق ساپارى ٶتتٸ, دەپ حابارلايدى ult.kz.
دەلەگاتسييا قۇرامىنا ازييا وليمپيادالىق كەڭەسٸنٸڭ سپورت, مەديا, اقپاراتتىق تەحنولوگييا جەنە دامۋ باعدارلامالارى باعىتتارىنا جاۋاپتى باسشىلارى مەن ماماندارى كٸردٸ.
ساپار اياسىندا الماتىنىڭ ازييا ويىندارىنا دايىندىق بارىسىنا ارنالعان جۇمىس كەزدەسۋٸ ٶتٸپ, ودان كەيٸن دەلەگاتسييا قالانىڭ نەگٸزگٸ سپورت نىساندارى مەن قوناق ٷي ينفراقۇرىلىمىمەن تانىستى.
ازييا وليمپيادالىق كەڭەسٸنٸڭ ٶكٸلدەرٸ Halyk Arena, Almaty Arena, «مەدەۋ» بيٸك تاۋلى سپورت كەشەنٸن, «شىمبۇلاق» تاۋ كۋرورتىن, «سۇڭقار» حالىقارالىق شاڭعى ترامپليندەرٸ كەشەنٸن, بالۋان شولاق اتىنداعى سپورت سارايىن, سونداي-اق جارىسقا قاتىسۋشىلار مەن رەسمي تۇلعالاردى ورنالاستىرۋ جوسپارلانعان بٸرقاتار قوناق ٷيدٸ ارالاپ كٶردٸ.
