Qazaqstannyń aviatsiialyq ákimshiligi «Bek Air» AQ-nyń ótinishinde keltirilgen dálelderdiń negizsiz ekenin málimdedi, dep habarlaidy "Ult aqparat".
QR Azamattyq aviatsiia komitetiniń Facebook-tegi paraqshasynda jariialanǵan aqparatqa qaraǵanda, áýe kompaniianyń ótinishinde Qazaqstannyń aviatsiialyq ákimshiligi paidalanýshy sertifikatyn "qabyldanǵan sheshim týraly habardar etpei jáne sebebin kórsetpei toqtatty" dep kórsetilgen. «Bek Air» AQ pikirinshe, bul «Azamattyq áýe kemelerin paidalanýshyny sertifikattaý jáne oǵan sertifikat berý qaǵidalaryn» buzý bolyp sanalady.
«Atalǵan dálelder kelesi jaǵdailarǵa bailanysty negizsiz bolyp tabylady. Paidalanýshy sertifikatynyń qoldanylýyn toqtata turýǵa «Fokker-100» ushaǵynyń apaty sebep boldy. Bul týraly 2019 jylǵy 27 jeltoqsanda «Bek Air» AQ atyna jiberilgen RD270510 radiogrammasynda tikelei kórsetilgen. Mundai sheshim «Qazaqstan Respýblikasynyń áýe keńistigin paidalaný jáne aviatsiia qyzmeti týraly» Zańǵa sáikes qabyldandy. Onda sertifikattyń qoldanylýy ushý qaýipsizdigine tikelei qater tóndiretin zańnama talaptarynyń eleýli buzylýy anyqtalǵan kezde shekteletini kórsetilgen. Sondai-aq bul shara joǵaryda kórsetilgen qaǵidalardyń talaptaryn negizge alady. Oǵan sáikes ýákiletti uiym paidalanýshy sertifikattyq talaptar men shekteýlerdi saqtamaǵan jaǵdaida paidalanýshy sertifikatynyń qoldanylýyn toqtata turady», - delingen taratylǵan aqparatta.
Komitet dereginshe, áýe kompaniiasy jasaǵan buzýshylyqtardy dál sol kúni qaralǵan áýejaidyń beinejazbasy rastaidy. Onda apatqa ushyraǵan ushaqty ushýǵa daiyndaý kezinde muzdanýdy joiý nemese onyń aldyn alý jónindegi sertifikattaý talaptary oryndalmaǵandyǵy, sondai-aq paidalanýshy olardyń oryndalýyn baqylaýdy qamtamasyz etpegendigi kórinedi.
Sonymen qatar bul «Qazaqstan Respýblikasynyń azamattyq aviatsiiasynda ushýdy júrgizý qaǵidalaryn» óreskel buzý bolyp sanalady. Qaǵidaǵa sáikes eger qanattardyń, fiýzeliajdyń, basqarý organdarynyń, áýe vintteriniń, aldyńǵy áinektiń, kúsh qondyrǵysynyń betterinde nemese áýe kemesiniń barometriialyq aspaptarynyń aýa qysymyn qabyldaǵyshtarynda qyraý, dymqyl qar nemese muz bolsa, ushýdy bastaýǵa ruqsat etilmeidi.
«Osyǵan bailanysty, «Bek Air» AQ-qa tiesili basqa áýe kemeleriniń ushý qaýipsizdigin qamtamasyz etý maqsatynda, 2019 jylǵy 27 jeltoqsanda Qazaqstannyń aviatsiialyq ákimshiligi paidalanýshy sertifikatynyń qoldanylýyn toqtata turý týraly sheshim qabyldady. Sol kúni Memleket basshysy Q.Toqaevtyń tapsyrmasymen «Bek Air» AQ qyzmetine jospardan tys tekserý taǵaiyndaldy. Áýe kompaniianyń personaly, oqý baǵdarlamalary, qondyrǵylary, protsedýralary men ushaqtary ushýǵa jaramdy jáne talaptarǵa sáikestigine kóz jetkizý maqsatynda tekseriledi. Joǵaryda kórsetilgen radiogramma paidalanýshy sertifikatynyń qoldanylýyn toqtata turý týraly qabyldanǵan sheshimniń habarlamasy bolyp tabylady», - deidi vedomstvodan
Aita keterligi, zańnamaǵa sáikes, zań buzýshylyqty joiý týraly inspektsiialyq nusqama áli aiaqtalmaǵan tekserý qorytyndysy boiynsha beriledi. Sondai-aq qazirgi ýaqytta Qazaqstannyń aviatsiialyq ákimshiligimen paidalanýshynyń qyzmetinde júrgizilip jatqan jospardan tys tekserý aiasynda «Bek Air» AQ buǵan deiin berilgen sertifikatynyń sáikestik máselesi zerttelýde.
