قازاقستاننىڭ اۆياتسييالىق ەكٸمشٸلٸگٸ «Bek Air» اق-نىڭ ٶتٸنٸشٸندە كەلتٸرٸلگەن دەلەلدەردٸڭ نەگٸزسٸز ەكەنٸن مەلٸمدەدٸ, دەپ حابارلايدى "ۇلت اقپارات".
قر ازاماتتىق اۆياتسييا كوميتەتٸنٸڭ Facebook-تەگٸ پاراقشاسىندا جارييالانعان اقپاراتقا قاراعاندا, ەۋە كومپانييانىڭ ٶتٸنٸشٸندە قازاقستاننىڭ اۆياتسييالىق ەكٸمشٸلٸگٸ پايدالانۋشى سەرتيفيكاتىن "قابىلدانعان شەشٸم تۋرالى حاباردار ەتپەي جەنە سەبەبٸن كٶرسەتپەي توقتاتتى" دەپ كٶرسەتٸلگەن. «Bek Air» اق پٸكٸرٸنشە, بۇل «ازاماتتىق ەۋە كەمەلەرٸن پايدالانۋشىنى سەرتيفيكاتتاۋ جەنە وعان سەرتيفيكات بەرۋ قاعيدالارىن» بۇزۋ بولىپ سانالادى.
«اتالعان دەلەلدەر كەلەسٸ جاعدايلارعا بايلانىستى نەگٸزسٸز بولىپ تابىلادى. پايدالانۋشى سەرتيفيكاتىنىڭ قولدانىلۋىن توقتاتا تۇرۋعا «فوككەر-100» ۇشاعىنىڭ اپاتى سەبەپ بولدى. بۇل تۋرالى 2019 جىلعى 27 جەلتوقساندا «Bek Air» اق اتىنا جٸبەرٸلگەن رد270510 راديوگرامماسىندا تٸكەلەي كٶرسەتٸلگەن. مۇنداي شەشٸم «قازاقستان رەسپۋبليكاسىنىڭ ەۋە كەڭٸستٸگٸن پايدالانۋ جەنە اۆياتسييا قىزمەتٸ تۋرالى» زاڭعا سەيكەس قابىلداندى. وندا سەرتيفيكاتتىڭ قولدانىلۋى ۇشۋ قاۋٸپسٸزدٸگٸنە تٸكەلەي قاتەر تٶندٸرەتٸن زاڭناما تالاپتارىنىڭ ەلەۋلٸ بۇزىلۋى انىقتالعان كەزدە شەكتەلەتٸنٸ كٶرسەتٸلگەن. سونداي-اق بۇل شارا جوعارىدا كٶرسەتٸلگەن قاعيدالاردىڭ تالاپتارىن نەگٸزگە الادى. وعان سەيكەس ۋەكٸلەتتٸ ۇيىم پايدالانۋشى سەرتيفيكاتتىق تالاپتار مەن شەكتەۋلەردٸ ساقتاماعان جاعدايدا پايدالانۋشى سەرتيفيكاتىنىڭ قولدانىلۋىن توقتاتا تۇرادى», - دەلٸنگەن تاراتىلعان اقپاراتتا.
كوميتەت دەرەگٸنشە, ەۋە كومپانيياسى جاساعان بۇزۋشىلىقتاردى دەل سول كٷنٸ قارالعان ەۋەجايدىڭ بەينەجازباسى راستايدى. وندا اپاتقا ۇشىراعان ۇشاقتى ۇشۋعا دايىنداۋ كەزٸندە مۇزدانۋدى جويۋ نەمەسە ونىڭ الدىن الۋ جٶنٸندەگٸ سەرتيفيكاتتاۋ تالاپتارى ورىندالماعاندىعى, سونداي-اق پايدالانۋشى ولاردىڭ ورىندالۋىن باقىلاۋدى قامتاماسىز ەتپەگەندٸگٸ كٶرٸنەدٸ.
سونىمەن قاتار بۇل «قازاقستان رەسپۋبليكاسىنىڭ ازاماتتىق اۆياتسيياسىندا ۇشۋدى جٷرگٸزۋ قاعيدالارىن» ٶرەسكەل بۇزۋ بولىپ سانالادى. قاعيداعا سەيكەس ەگەر قاناتتاردىڭ, فيۋزەلياجدىڭ, باسقارۋ ورگاندارىنىڭ, ەۋە ۆينتتەرٸنٸڭ, الدىڭعى ەينەكتٸڭ, كٷش قوندىرعىسىنىڭ بەتتەرٸندە نەمەسە ەۋە كەمەسٸنٸڭ بارومەترييالىق اسپاپتارىنىڭ اۋا قىسىمىن قابىلداعىشتارىندا قىراۋ, دىمقىل قار نەمەسە مۇز بولسا, ۇشۋدى باستاۋعا رۇقسات ەتٸلمەيدٸ.
«وسىعان بايلانىستى, «Bek Air» اق-قا تيەسٸلٸ باسقا ەۋە كەمەلەرٸنٸڭ ۇشۋ قاۋٸپسٸزدٸگٸن قامتاماسىز ەتۋ ماقساتىندا, 2019 جىلعى 27 جەلتوقساندا قازاقستاننىڭ اۆياتسييالىق ەكٸمشٸلٸگٸ پايدالانۋشى سەرتيفيكاتىنىڭ قولدانىلۋىن توقتاتا تۇرۋ تۋرالى شەشٸم قابىلدادى. سول كٷنٸ مەملەكەت باسشىسى ق.توقاەۆتىڭ تاپسىرماسىمەن «Bek Air» اق قىزمەتٸنە جوسپاردان تىس تەكسەرۋ تاعايىندالدى. ەۋە كومپانييانىڭ پەرسونالى, وقۋ باعدارلامالارى, قوندىرعىلارى, پروتسەدۋرالارى مەن ۇشاقتارى ۇشۋعا جارامدى جەنە تالاپتارعا سەيكەستٸگٸنە كٶز جەتكٸزۋ ماقساتىندا تەكسەرٸلەدٸ. جوعارىدا كٶرسەتٸلگەن راديوگرامما پايدالانۋشى سەرتيفيكاتىنىڭ قولدانىلۋىن توقتاتا تۇرۋ تۋرالى قابىلدانعان شەشٸمنٸڭ حابارلاماسى بولىپ تابىلادى», - دەيدٸ ۆەدومستۆودان
ايتا كەتەرلٸگٸ, زاڭناماعا سەيكەس, زاڭ بۇزۋشىلىقتى جويۋ تۋرالى ينسپەكتسييالىق نۇسقاما ەلٸ اياقتالماعان تەكسەرۋ قورىتىندىسى بويىنشا بەرٸلەدٸ. سونداي-اق قازٸرگٸ ۋاقىتتا قازاقستاننىڭ اۆياتسييالىق ەكٸمشٸلٸگٸمەن پايدالانۋشىنىڭ قىزمەتٸندە جٷرگٸزٸلٸپ جاتقان جوسپاردان تىس تەكسەرۋ اياسىندا «Bek Air» اق بۇعان دەيٸن بەرٸلگەن سەرتيفيكاتىنىڭ سەيكەستٸك مەسەلەسٸ زەرتتەلۋدە.
