Indýstriia jáne infraqurylymdyq damý ministrligi osy jyldyń 21 qańtarynda turǵyn úi jaǵdailaryn jaqsartý úshin bir jolǵy zeinetaqy tólemderin paidalaný erejelerin bekitti. Ministrliktiń qurylys jəne turǵyn úi-kommýnaldyq sharýashylyq isteri komiteti tóraǵasynyń orynbasary Erkebulan Daýylbaev OKQ alańynda osylai dep málim etti, dep habarlaidy QazAqparat.
Onyń aitýynsha azamattar ózderiniń zeinetaqy jinaqtarynyń bir bóligin:
- kepildik bolǵan kezde turǵyn úi qurylysyna úlestik qatysý týraly sharttar boiynsha turǵyn úi satyp alý kezinde nemese akt bolǵan kezde kóppáterli turǵyn úidegi úlesti berý týraly shart jasasý kezinde;
- jer ýchaskesin satyp alýdy qos alǵanda jeke turǵyn úi salý úshin tolyq esep aiyrysý kezinde;
- ipoteka alý, turǵyn úidi satyp alý, bereshekti óteý, bankter arqyly ipotekany qaita qarjylandyrý úshin bastapqy jarna retinde;
- turǵyn úi qurylysy jinaqtary júiesi boiynsha jer ýchaskesin satyp ala otyryp, turǵyn úi satyp alýǵa nemese jeke turǵyn úi salýǵa arnalǵan ipoteka boiynsha bereshekti alý, qaita qarjylandyrýdy óteý kezinde;
- Islam bankiniń qarjylandyrýy sheńberinde úi satyp alý jáne osyndai qarjylandyrý boiynsha bereshekti óteý kezinde;
- turǵyn úi qurylysy jáne daǵdarysqa qarsy baǵdarlamalar sheńberinde satyp alý quqyǵymen berilgen baspanany uzaq merzimdi jaldaý sharttary boiynsha bereshekti óteý úshin paidalanýyna ruqsat etiledi.
Sonymen qatar turǵyn úidi jóndeý jumystaryna bir bankten ipotekalyq qaryz alǵan kezde paidalanýǵa jol beriledi.
