يندۋسترييا جەنە ينفراقۇرىلىمدىق دامۋ مينيسترلٸگٸ وسى جىلدىڭ 21 قاڭتارىندا تۇرعىن ٷي جاعدايلارىن جاقسارتۋ ٷشٸن بٸر جولعى زەينەتاقى تٶلەمدەرٸن پايدالانۋ ەرەجەلەرٸن بەكٸتتٸ. مينيسترلٸكتٸڭ قۇرىلىس جəنە تۇرعىن ٷي-كوممۋنالدىق شارۋاشىلىق ٸستەرٸ كوميتەتٸ تٶراعاسىنىڭ ورىنباسارى ەركەبۇلان داۋىلباەۆ وكق الاڭىندا وسىلاي دەپ مەلٸم ەتتٸ, دەپ حابارلايدى قازاقپارات.
ونىڭ ايتۋىنشا ازاماتتار ٶزدەرٸنٸڭ زەينەتاقى جيناقتارىنىڭ بٸر بٶلٸگٸن:
- كەپٸلدٸك بولعان كەزدە تۇرعىن ٷي قۇرىلىسىنا ٷلەستٸك قاتىسۋ تۋرالى شارتتار بويىنشا تۇرعىن ٷي ساتىپ الۋ كەزٸندە نەمەسە اكت بولعان كەزدە كٶپپەتەرلٸ تۇرعىن ٷيدەگٸ ٷلەستٸ بەرۋ تۋرالى شارت جاساسۋ كەزٸندە;
- جەر ۋچاسكەسٸن ساتىپ الۋدى قوس العاندا جەكە تۇرعىن ٷي سالۋ ٷشٸن تولىق ەسەپ ايىرىسۋ كەزٸندە;
- يپوتەكا الۋ, تۇرعىن ٷيدٸ ساتىپ الۋ, بەرەشەكتٸ ٶتەۋ, بانكتەر ارقىلى يپوتەكانى قايتا قارجىلاندىرۋ ٷشٸن باستاپقى جارنا رەتٸندە;
- تۇرعىن ٷي قۇرىلىسى جيناقتارى جٷيەسٸ بويىنشا جەر ۋچاسكەسٸن ساتىپ الا وتىرىپ, تۇرعىن ٷي ساتىپ الۋعا نەمەسە جەكە تۇرعىن ٷي سالۋعا ارنالعان يپوتەكا بويىنشا بەرەشەكتٸ الۋ, قايتا قارجىلاندىرۋدى ٶتەۋ كەزٸندە;
- يسلام بانكٸنٸڭ قارجىلاندىرۋى شەڭبەرٸندە ٷي ساتىپ الۋ جەنە وسىنداي قارجىلاندىرۋ بويىنشا بەرەشەكتٸ ٶتەۋ كەزٸندە;
- تۇرعىن ٷي قۇرىلىسى جەنە داعدارىسقا قارسى باعدارلامالار شەڭبەرٸندە ساتىپ الۋ قۇقىعىمەن بەرٸلگەن باسپانانى ۇزاق مەرزٸمدٸ جالداۋ شارتتارى بويىنشا بەرەشەكتٸ ٶتەۋ ٷشٸن پايدالانۋىنا رۇقسات ەتٸلەدٸ.
سونىمەن قاتار تۇرعىن ٷيدٸ جٶندەۋ جۇمىستارىنا بٸر بانكتەن يپوتەكالىق قارىز العان كەزدە پايدالانۋعا جول بەرٸلەدٸ.
