Bishkek qalasynyń turǵyny Aizada Qanatbekovany býyndyryp óltirgen Zamirbek Teńizbaev óz-ózine qol salǵanǵa deiin týǵan-týystaryna aýdiohabarlama jibergen, dep habarlaidy Sputnik Qazaqstan "Vechernii Bishkek" basylymyna silteme jasap.
Aýdioda er adam jylap turyp aǵasynan úidegilerdiń qal-jaǵdaiyn suraidy. Odan keiin barlyq kúná úshin keshirim suraidy.
"Ol meni satyp ketti, mahabbatymyzdy satyp ketti. Men sizge qansha ret aittym, qatty ǵashyq bolyp qaldym. Basqa qyzǵa qaraǵym da kelmedi. Osy qyzǵa ǵana úilenemin dedim. Men qatty ózgerdim. Siz meniń qandai bala bolǵanymdy bilesiz. Sol sebepti, aǵa, menen ketken kúnálar bolsa keshirińiz", - deidi ol.
Er adam anasyna qońyraý shalǵan. Biraq telefonyn kótermegendikten aǵasy arqyly dybystyq habarlama jiberedi.
"Ana, sabyr saqtańyz, menen ketken kúná bolsa, keshirińizder. Men qai dúniede bolsam da, qudaidan ómirlerińizdiń uzaq bolǵanyn tileimin. Apa, men ǵashyq bolyp qaldym. Men Aizadasyz ómir súre almaimyn. Men Aizadany kóp kúttim, men ony súidim. Basqa adammen bastaiyn desem de bolmady...", - degen kezde arǵy jaǵynda qyzdyń daýysy estiledi, "men saǵat kút dedim ǵoi" deidi ol.
"Bir aitty, maqul, kúttim. Ekinshi ret taǵy kút dedi, taǵy aldady. Úshinshi ret senbeimin. Taǵy surap jatyr, jalǵan aitady. Boldy. Raqmet barshańyzǵa, men sizderdi qudai aldynda keshirdim. Sizder de meni qudai aldynda keshirińizder. Barlyǵyńyzdy jaqsy kóremin", - dep túiindeidi er adam.
