بٸشكەك قالاسىنىڭ تۇرعىنى ايزادا قاناتبەكوۆانى بۋىندىرىپ ٶلتٸرگەن زاميربەك تەڭٸزباەۆ ٶز-ٶزٸنە قول سالعانعا دەيٸن تۋعان-تۋىستارىنا اۋديوحابارلاما جٸبەرگەن, دەپ حابارلايدى Sputnik قازاقستان "ۆەچەرنيي بيشكەك" باسىلىمىنا سٸلتەمە جاساپ.
اۋديودا ەر ادام جىلاپ تۇرىپ اعاسىنان ٷيدەگٸلەردٸڭ قال-جاعدايىن سۇرايدى. ودان كەيٸن بارلىق كٷنە ٷشٸن كەشٸرٸم سۇرايدى.
"ول مەنٸ ساتىپ كەتتٸ, ماحابباتىمىزدى ساتىپ كەتتٸ. مەن سٸزگە قانشا رەت ايتتىم, قاتتى عاشىق بولىپ قالدىم. باسقا قىزعا قاراعىم دا كەلمەدٸ. وسى قىزعا عانا ٷيلەنەمٸن دەدٸم. مەن قاتتى ٶزگەردٸم. سٸز مەنٸڭ قانداي بالا بولعانىمدى بٸلەسٸز. سول سەبەپتٸ, اعا, مەنەن كەتكەن كٷنەلار بولسا كەشٸرٸڭٸز", - دەيدٸ ول.
ەر ادام اناسىنا قوڭىراۋ شالعان. بٸراق تەلەفونىن كٶتەرمەگەندٸكتەن اعاسى ارقىلى دىبىستىق حابارلاما جٸبەرەدٸ.
"انا, سابىر ساقتاڭىز, مەنەن كەتكەن كٷنە بولسا, كەشٸرٸڭٸزدەر. مەن قاي دٷنيەدە بولسام دا, قۇدايدان ٶمٸرلەرٸڭٸزدٸڭ ۇزاق بولعانىن تٸلەيمٸن. اپا, مەن عاشىق بولىپ قالدىم. مەن ايزاداسىز ٶمٸر سٷرە المايمىن. مەن ايزادانى كٶپ كٷتتٸم, مەن ونى سٷيدٸم. باسقا اداممەن باستايىن دەسەم دە بولمادى...", - دەگەن كەزدە ارعى جاعىندا قىزدىڭ داۋىسى ەستٸلەدٸ, "مەن ساعات كٷت دەدٸم عوي" دەيدٸ ول.
"بٸر ايتتى, ماقۇل, كٷتتٸم. ەكٸنشٸ رەت تاعى كٷت دەدٸ, تاعى الدادى. ٷشٸنشٸ رەت سەنبەيمٸن. تاعى سۇراپ جاتىر, جالعان ايتادى. بولدى. راقمەت بارشاڭىزعا, مەن سٸزدەردٸ قۇداي الدىندا كەشٸردٸم. سٸزدەر دە مەنٸ قۇداي الدىندا كەشٸرٸڭٸزدەر. بارلىعىڭىزدى جاقسى كٶرەمٸن", - دەپ تٷيٸندەيدٸ ەر ادام.
