12 naýryzda Almatydaǵy aiyrbastaý pýnkterinde bir dollar 400,5 teńgeden satyla bastady. Bul - Qazaqstannyń valiýta naryǵyndaǵy jańa rekord. Buǵan deiin dollar baǵamy 400 teńgeden aspaǵan. Nur-Sultanda bir dollar 398-399 teńgemen satylyp jatyr.
Qazaqstan qor birjasynda (KASE) 1 dollardyń quny qymbattap, 398,5 teńgeni qurady.
Sársenbi kúngi birjada dollar quny 395,10 teńge bolǵan, al Ulttyq banktiń 12 naýryzǵa belgilegen resmi baǵamy – 394,06 teńge.
12 naýryzda munaidyń belgili markileriniń quny taǵy 6 paiyzǵa quldyrady. Brent markaly munai barreline 33,96 dollarmen satylyp jatyr.
Ótken aptanyń sońynda Venada OPEK, Saýd Arabiiasy jáne Resei munai baǵasyn ustap turý úshin óndiristi azaitýǵa kelissóz júrgizgen. Biraq Venadaǵy jiynda taraptar kelise almady. Kreml OPEK usynysyn qoldamady. Osydan soń Saýd Arabiiasy “baǵa soǵysyn” bastap, Aziia úshin munai baǵasyn barreline úsh-tórt dollarǵa, AQSh úshin jeti dollarǵa deiin túsirip jiberdi.
Ulttyq bank pen Nur-Sultan teńge qunynyń tómendeýine qatysty ázirge resmi málimdeme jasaǵan joq.
