12 ناۋرىزدا الماتىداعى ايىرباستاۋ پۋنكتەرٸندە بٸر دوللار 400,5 تەڭگەدەن ساتىلا باستادى. بۇل - قازاقستاننىڭ ۆاليۋتا نارىعىنداعى جاڭا رەكورد. بۇعان دەيٸن دوللار باعامى 400 تەڭگەدەن اسپاعان. نۇر-سۇلتاندا بٸر دوللار 398-399 تەڭگەمەن ساتىلىپ جاتىر.
قازاقستان قور بيرجاسىندا (KASE) 1 دوللاردىڭ قۇنى قىمباتتاپ, 398,5 تەڭگەنٸ قۇرادى.
سەرسەنبٸ كٷنگٸ بيرجادا دوللار قۇنى 395,10 تەڭگە بولعان, ال ۇلتتىق بانكتٸڭ 12 ناۋرىزعا بەلگٸلەگەن رەسمي باعامى – 394,06 تەڭگە.
12 ناۋرىزدا مۇنايدىڭ بەلگٸلٸ ماركٸلەرٸنٸڭ قۇنى تاعى 6 پايىزعا قۇلدىرادى. Brent ماركالى مۇناي باررەلٸنە 33,96 دوللارمەن ساتىلىپ جاتىر.
ٶتكەن اپتانىڭ سوڭىندا ۆەنادا وپەك, ساۋد ارابيياسى جەنە رەسەي مۇناي باعاسىن ۇستاپ تۇرۋ ٷشٸن ٶندٸرٸستٸ ازايتۋعا كەلٸسسٶز جٷرگٸزگەن. بٸراق ۆەناداعى جيىندا تاراپتار كەلٸسە المادى. كرەمل وپەك ۇسىنىسىن قولدامادى. وسىدان سوڭ ساۋد ارابيياسى “باعا سوعىسىن” باستاپ, ازييا ٷشٸن مۇناي باعاسىن باررەلٸنە ٷش-تٶرت دوللارعا, اقش ٷشٸن جەتٸ دوللارعا دەيٸن تٷسٸرٸپ جٸبەردٸ.
ۇلتتىق بانك پەن نۇر-سۇلتان تەڭگە قۇنىنىڭ تٶمەندەۋٸنە قاتىستى ەزٸرگە رەسمي مەلٸمدەمە جاساعان جوق.
