Múmkindigi shekteýli jandarǵa arnalǵan turaqqa kólikti qoiyp ketkender úshin de aiyppul tómendeidi. Bul týraly Senattaǵy parlamenttik tyńdaýda QR IIM Ákimshilik politsiia komitetiniń tóraǵasy Igor Lepeha málim etti, dep habarlaidy QazAqparat.
«Quqyqtyq saiasat keńesindegi talqylaý barysynda izgilendirý aiasynda barlyq baptardy zerttep shyǵý sharalary eskerildi, onyń ishinde joldaǵy kólik qozǵalysy baptary qamtylyp otyr. Búginde Ádilet ministrligimen birlese 14 bap boiynsha jaýapkershilikti jeńildetý sharalaryn aiqyndadyq», - dedi komitet tóraǵasy.
Osy oraida ol Ishki ister ministrligi jol apattylyǵy men qaýipsizdik jaǵdaiyna tikelei áser etetin ereje buzýshylyqtarǵa aiyppul deńgeiin tómendetýge qarsy ekenin jetkizdi.
«Máselen, jol qiylysynda toqtaityn syzyqtan kóktaiǵaq saldarynan nemese baiqamai 1 metrge asyp ketse, aiyppuldy 5 AEK-ten 3 AEK-ke deiin tómendetemiz. Múmkindigi shekteýli jandarǵa arnalǵan turaqqa kólikti qoiyp ketkender úshin de aiyppul aitarlyqtai azaitylady. Sonymen qatar kóliktiń jaryǵyn qospai júrgeni úshin birinshi ret ustalsa, onda tek eskertý jasalady. Al ekinshi ret osy sebeppen toqtatylsa, onda 5-ten 3 AEK-ke aiyppul tómendetiledi. Iaǵni, joldaǵy apattylyqqa tikelei yqpal etpeitin baptar boiynsha sanktsiialardy jeńildetý qadamyna baryp jatyrmyz», - dedi I. Lepeha.
Sóz sońynda ol atalǵan baptar boiynsha naqty sheshim qabyldanatyndyǵyna senim bildirdi.
