مٷمكٸندٸگٸ شەكتەۋلٸ جاندارعا ارنالعان تۇراققا كٶلٸكتٸ قويىپ كەتكەندەر ٷشٸن دە ايىپپۇل تٶمەندەيدٸ. بۇل تۋرالى سەناتتاعى پارلامەنتتٸك تىڭداۋدا قر ٸٸم ەكٸمشٸلٸك پوليتسييا كوميتەتٸنٸڭ تٶراعاسى يگور لەپەحا مەلٸم ەتتٸ, دەپ حابارلايدى قازاقپارات.
«قۇقىقتىق ساياسات كەڭەسٸندەگٸ تالقىلاۋ بارىسىندا ٸزگٸلەندٸرۋ اياسىندا بارلىق باپتاردى زەرتتەپ شىعۋ شارالارى ەسكەرٸلدٸ, ونىڭ ٸشٸندە جولداعى كٶلٸك قوزعالىسى باپتارى قامتىلىپ وتىر. بٷگٸندە ەدٸلەت مينيسترلٸگٸمەن بٸرلەسە 14 باپ بويىنشا جاۋاپكەرشٸلٸكتٸ جەڭٸلدەتۋ شارالارىن ايقىندادىق», - دەدٸ كوميتەت تٶراعاسى.
وسى ورايدا ول ٸشكٸ ٸستەر مينيسترلٸگٸ جول اپاتتىلىعى مەن قاۋٸپسٸزدٸك جاعدايىنا تٸكەلەي ەسەر ەتەتٸن ەرەجە بۇزۋشىلىقتارعا ايىپپۇل دەڭگەيٸن تٶمەندەتۋگە قارسى ەكەنٸن جەتكٸزدٸ.
«مەسەلەن, جول قيىلىسىندا توقتايتىن سىزىقتان كٶكتايعاق سالدارىنان نەمەسە بايقاماي 1 مەترگە اسىپ كەتسە, ايىپپۇلدى 5 اەك-تەن 3 اەك-كە دەيٸن تٶمەندەتەمٸز. مٷمكٸندٸگٸ شەكتەۋلٸ جاندارعا ارنالعان تۇراققا كٶلٸكتٸ قويىپ كەتكەندەر ٷشٸن دە ايىپپۇل ايتارلىقتاي ازايتىلادى. سونىمەن قاتار كٶلٸكتٸڭ جارىعىن قوسپاي جٷرگەنٸ ٷشٸن بٸرٸنشٸ رەت ۇستالسا, وندا تەك ەسكەرتۋ جاسالادى. ال ەكٸنشٸ رەت وسى سەبەپپەن توقتاتىلسا, وندا 5-تەن 3 اەك-كە ايىپپۇل تٶمەندەتٸلەدٸ. ياعني, جولداعى اپاتتىلىققا تٸكەلەي ىقپال ەتپەيتٸن باپتار بويىنشا سانكتسييالاردى جەڭٸلدەتۋ قادامىنا بارىپ جاتىرمىز», - دەدٸ ي. لەپەحا.
سٶز سوڭىندا ول اتالعان باپتار بويىنشا ناقتى شەشٸم قابىلداناتىندىعىنا سەنٸم بٸلدٸردٸ.
