Foto: Ulttyq bank
Ulttyq bank 2025 jylǵy 25 jeltoqsannan bastap jańa dizaindaǵy nominaly 500 teńgelik banknottardy ainalymǵa shyǵaratyn boldy, dep habarlaidy Ult.kz.
Bank málimetine sáikes, bul kóshpendiler mádenietinen búgingi Qazaqstannyń biregei murasyn qamtyp, dástúrli qazaqy oiý-órnektiń túp tamyry sanalatyn "Saq stili" elementterine negizdelgen.
"Jańa banknota 2026 jyldyń ekinshi toqsanynda jappai qoldanysqa shyǵa bastaidy. Sebebi aqshany elimizdiń barlyq óńirine jetkizý úshin jáne bankomattar, terminaldar jáne basqa kassalyq tehnika tárizdi jabdyqtardy beiimdeý úshin qosymsha ýaqyt qajet", – dep atap ótti vedomstvo.
Banknottardyń túsi – kók. Onyń bet jaǵynda myna zattar beinelengen:
– kókte qalyqtaǵan quspen "Báiterektiń" butaǵy (Esik qorǵany, b. z. d. 5-4 ǵǵ., Altyn adam bas kiiminiń áshekeii, tabiǵat pen nanym bailanysynyń qasietti maǵynasy);
– DNQ spiralin jáne adamnyń tabiǵatpen bailanysyn bildiretin oiý-órnekpen bezendirilgen sheksizdik simvoly;
– artefakt – Arqardyń basy túrindegi áshekeidiń fragmenti (Berel qorǵany, b. z. d. 8-7 ǵǵ., ShQO).
Al banknottyń artqy jaǵynda:
– oiý-órnekpen kómkerilgen qalqan aiasynda beinelenip turǵan Qazaqstanda mekendeitin Arqar;
– negizgi beineniń artynda birneshe maǵyna beretin qazaqy oiý-órnek ornalasqan:
• "Qalqan" – qundylyqtar qorǵanyn bildiredi,
• ejelgi simvol – dúnieniń tórt qubylasy,
• ortasynda jasampaz energiianyń nyshany retinde kún belgisi beinelengen.
– banknottyń ortasynda qazaqi "sheksizdik" oiý-órneginiń kontýry salynyp, onyń ishinde "Muztaý" taýynyń landshaftyq kórinisi beinelengen.
– Nominaly 500 teńgelik jańa banknottar 2025 jylǵy 25 jeltoqsannan bastap ainalysqa engiziledi jáne ainalysta júrgen 2017 jylǵy úlgidegi nominaly 500 teńgelik ulttyq valiýta banknottarymen eki jyl boiy aýystyrylady. Iaǵni, eski úlgidegi barlyq banknot eki jyl ishinde ainalystan birtindep alynady. Tiisinshe, osy kezeńde ekinshi deńgeidegi bankterge (budan ári – EDB) nemese QUB filialdaryna baryp, eski úlgidegi banknottardy jańa banknottarǵa aiyrbastaýy qajet emes, – delingen habarlamada.
Jańa jáne eski úlgidegi banknottardyń ainalysta qatar júrý kezeńi 2025 jylǵy 25 jeltoqsannan bastap 2027 jylǵy 24 jeltoqsanǵa deiingi aralyqty qamtidy.
Bul kezeń aiaqtalǵan soń, iaǵni 2027 jylǵy 25 jeltoqsannan bastap, barlyq bank pen Qazposhtada eski úlgidegi banknottardy 3 jyl ishinde, iaǵni 2030 jylǵy 24 jeltoqsanǵa deiin jańa úlgidegi banknottarǵa aiyrbastaýǵa múmkindik bar. Al QUB filialdarynda olardy merzimsiz aiyrbastaýǵa bolady.
– Jańa úlgidegi (2025 jylǵy) jáne eski úlgidegi (2017 jylǵy) banknottar ainalysta qatar júretin kezeńde zańdy tólem quraly bolyp sanalady. Tólemder men aýdarymdardyń barlyq túrin júzege asyrý úshin, bank shottaryna aýdarý úshin Qazaqstan Respýblikasynyń búkil aýmaǵynda olardy qunyna qarai qabyldanýy mindetti ekenin atap ótemiz. Jańa banknottar elimizdegi QUB-nyń barlyq filialynda, Qazposhtada, ekinshi deńgeidegi bankterde jáne Qazaqstandaǵy beirezident bankterdiń filialdarynda shekteýsiz aiyrbastalady jáne aýystyrylady. Zańdy tólem quralyna jatatyn banknottar men monetalardy qabyldaýdan bas tartý Qazaqstan Respýblikasynyń Ákimshilik quqyq buzýshylyq týraly kodeksine sáikes ákimshilik quqyq buzýshylyq bolyp sanalatynyn eske salamyz, – dep túiindedi banktiń baspasóz qyzmeti.
