فوتو: ۇلتتىق بانك
ۇلتتىق بانك 2025 جىلعى 25 جەلتوقساننان باستاپ جاڭا ديزاينداعى نومينالى 500 تەڭگەلٸك بانكنوتتاردى اينالىمعا شىعاراتىن بولدى, دەپ حابارلايدى Ult.kz.
بانك مەلٸمەتٸنە سەيكەس, بۇل كٶشپەندٸلەر مەدەنيەتٸنەن بٷگٸنگٸ قازاقستاننىڭ بٸرەگەي مۇراسىن قامتىپ, دەستٷرلٸ قازاقى ويۋ-ٶرنەكتٸڭ تٷپ تامىرى سانالاتىن "ساق ستيلٸ" ەلەمەنتتەرٸنە نەگٸزدەلگەن.
"جاڭا بانكنوتا 2026 جىلدىڭ ەكٸنشٸ توقسانىندا جاپپاي قولدانىسقا شىعا باستايدى. سەبەبٸ اقشانى ەلٸمٸزدٸڭ بارلىق ٶڭٸرٸنە جەتكٸزۋ ٷشٸن جەنە بانكوماتتار, تەرمينالدار جەنە باسقا كاسسالىق تەحنيكا تەرٸزدٸ جابدىقتاردى بەيٸمدەۋ ٷشٸن قوسىمشا ۋاقىت قاجەت", – دەپ اتاپ ٶتتٸ ۆەدومستۆو.
بانكنوتتاردىڭ تٷسٸ – كٶك. ونىڭ بەت جاعىندا مىنا زاتتار بەينەلەنگەن:
– كٶكتە قالىقتاعان قۇسپەن "بەيتەرەكتٸڭ" بۇتاعى (ەسٸك قورعانى, ب. ز. د. 5-4 عع., التىن ادام باس كيٸمٸنٸڭ ەشەكەيٸ, تابيعات پەن نانىم بايلانىسىنىڭ قاسيەتتٸ ماعىناسى);
– دنق سپيرالٸن جەنە ادامنىڭ تابيعاتپەن بايلانىسىن بٸلدٸرەتٸن ويۋ-ٶرنەكپەن بەزەندٸرٸلگەن شەكسٸزدٸك سيمۆولى;
– ارتەفاكت – ارقاردىڭ باسى تٷرٸندەگٸ ەشەكەيدٸڭ فراگمەنتٸ (بەرەل قورعانى, ب. ز. د. 8-7 عع., شقو).
ال بانكنوتتىڭ ارتقى جاعىندا:
– ويۋ-ٶرنەكپەن كٶمكەرٸلگەن قالقان اياسىندا بەينەلەنٸپ تۇرعان قازاقستاندا مەكەندەيتٸن ارقار;
– نەگٸزگٸ بەينەنٸڭ ارتىندا بٸرنەشە ماعىنا بەرەتٸن قازاقى ويۋ-ٶرنەك ورنالاسقان:
• "قالقان" – قۇندىلىقتار قورعانىن بٸلدٸرەدٸ,
• ەجەلگٸ سيمۆول – دٷنيەنٸڭ تٶرت قۇبىلاسى,
• ورتاسىندا جاسامپاز ەنەرگييانىڭ نىشانى رەتٸندە كٷن بەلگٸسٸ بەينەلەنگەن.
– بانكنوتتىڭ ورتاسىندا قازاقي "شەكسٸزدٸك" ويۋ-ٶرنەگٸنٸڭ كونتۋرى سالىنىپ, ونىڭ ٸشٸندە "مۇزتاۋ" تاۋىنىڭ لاندشافتىق كٶرٸنٸسٸ بەينەلەنگەن.
– نومينالى 500 تەڭگەلٸك جاڭا بانكنوتتار 2025 جىلعى 25 جەلتوقساننان باستاپ اينالىسقا ەنگٸزٸلەدٸ جەنە اينالىستا جٷرگەن 2017 جىلعى ٷلگٸدەگٸ نومينالى 500 تەڭگەلٸك ۇلتتىق ۆاليۋتا بانكنوتتارىمەن ەكٸ جىل بويى اۋىستىرىلادى. ياعني, ەسكٸ ٷلگٸدەگٸ بارلىق بانكنوت ەكٸ جىل ٸشٸندە اينالىستان بٸرتٸندەپ الىنادى. تيٸسٸنشە, وسى كەزەڭدە ەكٸنشٸ دەڭگەيدەگٸ بانكتەرگە (بۇدان ەرٸ – ەدب) نەمەسە قۇب فيليالدارىنا بارىپ, ەسكٸ ٷلگٸدەگٸ بانكنوتتاردى جاڭا بانكنوتتارعا ايىرباستاۋى قاجەت ەمەس, – دەلٸنگەن حابارلامادا.
جاڭا جەنە ەسكٸ ٷلگٸدەگٸ بانكنوتتاردىڭ اينالىستا قاتار جٷرۋ كەزەڭٸ 2025 جىلعى 25 جەلتوقساننان باستاپ 2027 جىلعى 24 جەلتوقسانعا دەيٸنگٸ ارالىقتى قامتيدى.
بۇل كەزەڭ اياقتالعان سوڭ, ياعني 2027 جىلعى 25 جەلتوقساننان باستاپ, بارلىق بانك پەن قازپوشتادا ەسكٸ ٷلگٸدەگٸ بانكنوتتاردى 3 جىل ٸشٸندە, ياعني 2030 جىلعى 24 جەلتوقسانعا دەيٸن جاڭا ٷلگٸدەگٸ بانكنوتتارعا ايىرباستاۋعا مٷمكٸندٸك بار. ال قۇب فيليالدارىندا ولاردى مەرزٸمسٸز ايىرباستاۋعا بولادى.
– جاڭا ٷلگٸدەگٸ (2025 جىلعى) جەنە ەسكٸ ٷلگٸدەگٸ (2017 جىلعى) بانكنوتتار اينالىستا قاتار جٷرەتٸن كەزەڭدە زاڭدى تٶلەم قۇرالى بولىپ سانالادى. تٶلەمدەر مەن اۋدارىمداردىڭ بارلىق تٷرٸن جٷزەگە اسىرۋ ٷشٸن, بانك شوتتارىنا اۋدارۋ ٷشٸن قازاقستان رەسپۋبليكاسىنىڭ بٷكٸل اۋماعىندا ولاردى قۇنىنا قاراي قابىلدانۋى مٸندەتتٸ ەكەنٸن اتاپ ٶتەمٸز. جاڭا بانكنوتتار ەلٸمٸزدەگٸ قۇب-نىڭ بارلىق فيليالىندا, قازپوشتادا, ەكٸنشٸ دەڭگەيدەگٸ بانكتەردە جەنە قازاقستانداعى بەيرەزيدەنت بانكتەردٸڭ فيليالدارىندا شەكتەۋسٸز ايىرباستالادى جەنە اۋىستىرىلادى. زاڭدى تٶلەم قۇرالىنا جاتاتىن بانكنوتتار مەن مونەتالاردى قابىلداۋدان باس تارتۋ قازاقستان رەسپۋبليكاسىنىڭ ەكٸمشٸلٸك قۇقىق بۇزۋشىلىق تۋرالى كودەكسٸنە سەيكەس ەكٸمشٸلٸك قۇقىق بۇزۋشىلىق بولىپ سانالاتىنىن ەسكە سالامىز, – دەپ تٷيٸندەدٸ بانكتٸڭ باسپاسٶز قىزمەتٸ.
