QR Bilim jáne ǵylym ministri Ashat Aimaǵambetov áleýmettik jelilerdegi joǵary oqý oryndarynyń diplomdarynyń satylatyndyǵy týraly habarlandyrýǵa qatysty pikir bildirdi, dep habarlaidy QazAqparat.
«Internette (facebook, instagram) belgisiz adamdardyń joǵary bilim týraly diplomnyń satylatyndyǵy týraly aqparaty bar jarnama tarata bastady. Olar aldyn ala tólem jasaýdy usynyp, barlyq joǵary oqý oryndarynyń tizilimi men bazalyq málimetterinde maquldanýyna kepildik beredi. Bul aqparat alaiaqtyq jasaýdyń ádisi sanalady. Qyraǵy bolyńyzdar jáne qaskúnemderdiń Sizderdi adastyrýyna jol bermeńizder», - dep jazdy ministr Facebook paraqshasynda.
Onyń atap ótýinshe, atalǵan fakti boiynsha jobalyq keńse aldyn ala tekserý júrgizgen. Alaiaqtar shynaiy ári zańdy berilgen diplomdar men olardyń qosymshalarynyń sýretterin paidalanǵan. Olardyń ieleri 4 jyl boiy bilim berý baǵdarlamasyn tolyq igergennen keiin ǵana atalǵan diplomdardy alǵan.
«Alaiaqtar ózderiniń qyzmetiniń jarnamasy úshin diplomdarynyń sýretin paidalanǵan joǵary oqý oryndaryna biz atalǵan qujattary tekserý jáne jeke-jeke sáikestendirý týraly saýal jiberdik», - dep atap ótedi Ashat Aimaǵambetov.
Ministrdiń sózine qaraǵanda, QR Bilim jáne ǵylym ministrligi zańǵa qaishy mundai aqparattardyń jáne qylmystyq árekettiń jolyn kesý boiynsha birlesken sharalar ázirleý maqsatynda Nur-Sultan qalalyq politsiia departamentine, QR Sybailas jemqorlyqqa qarsy is-qimyl agenttigine úndeý ázirlengen.
