قر بٸلٸم جەنە عىلىم مينيسترٸ اسحات ايماعامبەتوۆ ەلەۋمەتتٸك جەلٸلەردەگٸ جوعارى وقۋ ورىندارىنىڭ ديپلومدارىنىڭ ساتىلاتىندىعى تۋرالى حابارلاندىرۋعا قاتىستى پٸكٸر بٸلدٸردٸ, دەپ حابارلايدى قازاقپارات.
«ينتەرنەتتە (facebook, instagram) بەلگٸسٸز ادامداردىڭ جوعارى بٸلٸم تۋرالى ديپلومنىڭ ساتىلاتىندىعى تۋرالى اقپاراتى بار جارناما تاراتا باستادى. ولار الدىن الا تٶلەم جاساۋدى ۇسىنىپ, بارلىق جوعارى وقۋ ورىندارىنىڭ تٸزٸلٸمٸ مەن بازالىق مەلٸمەتتەرٸندە ماقۇلدانۋىنا كەپٸلدٸك بەرەدٸ. بۇل اقپارات الاياقتىق جاساۋدىڭ ەدٸسٸ سانالادى. قىراعى بولىڭىزدار جەنە قاسكٷنەمدەردٸڭ سٸزدەردٸ اداستىرۋىنا جول بەرمەڭٸزدەر», - دەپ جازدى مينيستر Facebook پاراقشاسىندا.
ونىڭ اتاپ ٶتۋٸنشە, اتالعان فاكتٸ بويىنشا جوبالىق كەڭسە الدىن الا تەكسەرۋ جٷرگٸزگەن. الاياقتار شىنايى ەرٸ زاڭدى بەرٸلگەن ديپلومدار مەن ولاردىڭ قوسىمشالارىنىڭ سۋرەتتەرٸن پايدالانعان. ولاردىڭ يەلەرٸ 4 جىل بويى بٸلٸم بەرۋ باعدارلاماسىن تولىق يگەرگەننەن كەيٸن عانا اتالعان ديپلومداردى العان.
«الاياقتار ٶزدەرٸنٸڭ قىزمەتٸنٸڭ جارناماسى ٷشٸن ديپلومدارىنىڭ سۋرەتٸن پايدالانعان جوعارى وقۋ ورىندارىنا بٸز اتالعان قۇجاتتارى تەكسەرۋ جەنە جەكە-جەكە سەيكەستەندٸرۋ تۋرالى ساۋال جٸبەردٸك», - دەپ اتاپ ٶتەدٸ اسحات ايماعامبەتوۆ.
مينيستردٸڭ سٶزٸنە قاراعاندا, قر بٸلٸم جەنە عىلىم مينيسترلٸگٸ زاڭعا قايشى مۇنداي اقپاراتتاردىڭ جەنە قىلمىستىق ەرەكەتتٸڭ جولىن كەسۋ بويىنشا بٸرلەسكەن شارالار ەزٸرلەۋ ماقساتىندا نۇر-سۇلتان قالالىق پوليتسييا دەپارتامەنتٸنە, قر سىبايلاس جەمقورلىققا قارسى ٸس-قيمىل اگەنتتٸگٸنە ٷندەۋ ەزٸرلەنگەن.
