Elimizde 2 million oqýshy qalada oqidy. Bul týraly Ortalyq kommýnikatsiialar qyzmetiniń alańynda ótken mektep oqýshylarynyń IV toqsanda qashyqtan oqý júiesine arnalǵan onlain konferentsiiada aityldy, dep habarlaidy "Ult aqparat".
«Oqýshylardy qashyqtan oqytýdyń besinshi tetigi – internet arqyly oqý. Qalada oqityn balalar sany – 2 million. Aýdan ortalyqtarynda oqityn oqýshylar sany 500 myńǵa jýyq. 2,5 million oqýshy ǵana internet arqyly oqidy dep oilamaimyz. Jeliniń sapasy, kompiýterdiń internet jelisine qosylýy máselesi bar. Internet arqyly jumys isteý óte yńǵaily bolady», - deidi QR Bilim jáne ǵylym ministri Ashat Aimaǵambetov.
Ol osy tetik boiynsha jumys isteýge eki úlken kedergi bar ekenin aitty.
«Birinshi – kompiýterdiń jetispeýshiligi. Ekinshi – eldi mekende tehnikalyq múmkindik bolsa da, ol oqýshylardyń úiinde internetke qosylý múmkindigi joq. Osy másele boiynsha tiisti jumystar júrgizip jatyrmyz. Mektep balansyndaǵy kompiýterlerdi oqýshylarǵa ýaqytsha berdik. Qazirgi ýaqytqa deiin 120 myń kompiýter mektep balansynan ata-analarǵa berilip otyr. Ary qarai da biz osy jumysty jalǵastyramyz. Elimiz boiynsha kompiýter sany jetkilikti. Ekinshiden, kompiýterdi qosymsha satyp alý múmkindigimiz bar. Jergilikti atqarýshy organdardyń usynysyna sáikes, 79 870 kompiýter satyp alý týraly jospar bar. Oǵan tiisti qarjy bólindi. Tiisti satyp alý jumystary júrgizilip jatyr. Mysaly, Almaty qalasynda 10 myńǵa jýyq kompiýter osylai qamtamasyz etildi. Osy jumys Nur-Sultan qalasynda belsendi júrgizilýde», - deidi ministr.
