ەلٸمٸزدە 2 ميلليون وقۋشى قالادا وقيدى. بۇل تۋرالى ورتالىق كوممۋنيكاتسييالار قىزمەتٸنٸڭ الاڭىندا ٶتكەن مەكتەپ وقۋشىلارىنىڭ ٸV توقساندا قاشىقتان وقۋ جٷيەسٸنە ارنالعان ونلاين كونفەرەنتسييادا ايتىلدى, دەپ حابارلايدى "ۇلت اقپارات".
«وقۋشىلاردى قاشىقتان وقىتۋدىڭ بەسٸنشٸ تەتٸگٸ – ينتەرنەت ارقىلى وقۋ. قالادا وقيتىن بالالار سانى – 2 ميلليون. اۋدان ورتالىقتارىندا وقيتىن وقۋشىلار سانى 500 مىڭعا جۋىق. 2,5 ميلليون وقۋشى عانا ينتەرنەت ارقىلى وقيدى دەپ ويلامايمىز. جەلٸنٸڭ ساپاسى, كومپيۋتەردٸڭ ينتەرنەت جەلٸسٸنە قوسىلۋى مەسەلەسٸ بار. ينتەرنەت ارقىلى جۇمىس ٸستەۋ ٶتە ىڭعايلى بولادى», - دەيدٸ قر بٸلٸم جەنە عىلىم مينيسترٸ اسحات ايماعامبەتوۆ.
ول وسى تەتٸك بويىنشا جۇمىس ٸستەۋگە ەكٸ ٷلكەن كەدەرگٸ بار ەكەنٸن ايتتى.
«بٸرٸنشٸ – كومپيۋتەردٸڭ جەتٸسپەۋشٸلٸگٸ. ەكٸنشٸ – ەلدٸ مەكەندە تەحنيكالىق مٷمكٸندٸك بولسا دا, ول وقۋشىلاردىڭ ٷيٸندە ينتەرنەتكە قوسىلۋ مٷمكٸندٸگٸ جوق. وسى مەسەلە بويىنشا تيٸستٸ جۇمىستار جٷرگٸزٸپ جاتىرمىز. مەكتەپ بالانسىنداعى كومپيۋتەرلەردٸ وقۋشىلارعا ۋاقىتشا بەردٸك. قازٸرگٸ ۋاقىتقا دەيٸن 120 مىڭ كومپيۋتەر مەكتەپ بالانسىنان اتا-انالارعا بەرٸلٸپ وتىر. ارى قاراي دا بٸز وسى جۇمىستى جالعاستىرامىز. ەلٸمٸز بويىنشا كومپيۋتەر سانى جەتكٸلٸكتٸ. ەكٸنشٸدەن, كومپيۋتەردٸ قوسىمشا ساتىپ الۋ مٷمكٸندٸگٸمٸز بار. جەرگٸلٸكتٸ اتقارۋشى ورگانداردىڭ ۇسىنىسىنا سەيكەس, 79 870 كومپيۋتەر ساتىپ الۋ تۋرالى جوسپار بار. وعان تيٸستٸ قارجى بٶلٸندٸ. تيٸستٸ ساتىپ الۋ جۇمىستارى جٷرگٸزٸلٸپ جاتىر. مىسالى, الماتى قالاسىندا 10 مىڭعا جۋىق كومپيۋتەر وسىلاي قامتاماسىز ەتٸلدٸ. وسى جۇمىس نۇر-سۇلتان قالاسىندا بەلسەندٸ جٷرگٸزٸلۋدە», - دەيدٸ مينيستر.
