- Aiaz ataǵa hat jazǵan, erteń týra toǵyzǵa tolatyn Shyńǵystyń armany oryndaldy.
Jańa jyl qarsańynda armanyn hatqa túsirgen Shyńǵys Sápiev Batys Qazaqstan oblysynyń ákimi Altai Kólginovtiń kabinetinde boldy, dep habarlaidy Ult.kz tilshisi QazAqparat agenttigine silteme jasap.
Oblys basshysy Shyńǵystyń nýmizmat ekenin eskerip, əriptesteriniń atynan birneshe memlekettiń ulttyq valiýtasynyń banknottaryn, Qazaqstan Respýblikasy təýelsizdiginiń 25 jyldyq mereitoiyna arnaiy shyǵarylǵan eskertkish monetany jəne jańajyldyq syilyqtardy tartý etti. Shyńǵys sondai-aq, oblys əkimdiginiń jinalys zaldarymen tanysty.
Oral qalasyndaǵy №19 orta mekteptiń 3 «d» synybynda oqityn Shyńǵys Sápiev Aiaz ataǵa: «Eń qyzyǵy, meniń týǵan kúnim - 31 jeltoqsan. Biyl men 9-ǵa tolamyn. Júre almasam da, kúnde qolarbamen mektepke baryp oqimyn. Sabaǵymnyń barlyǵy - 5. Bos ýaqytymda mentaldy arifmetika, qolónermen ainalysamyn jáne meniń hobbiim bar. Ol nýmizmatika, iaǵni kóne jáne temir aqshalardy jinaimyn. Aiaz ata, armandardyń oryndalatynyna senemin. Bolashaqta ózimniń júrip ketetinime de senemin. Sondyqtan sizden suraityn bir ótinishim bar. Ol - oblys ákimi Altai Seidiruly Kólginovke baryp, kezdesip, qalai jumys isteitinin jáne ádemi ákimdiktiń ishin kórgim keledi», - dep jazǵan bolatyn.
Shyńǵystyń synyp jetekshisi Raýshan Shaihýalievanyń aitýynsha, ol sabaǵyn kileń «beske» oqyp qana qoimai, múmkindigi shekteýli bolǵanyna qaramastan, mektepishilik sharalarǵa, túrli úiirmelerge belsene qatysady. Tártibi óte jaqsy, mentaldy arifmetikaǵa úiir, shahmat oinap, biser toqidy. Qalamǵa qoly kesh ikemdelgenimen, hatynan kórinip turǵanyndai, saýatty da ádemi jaza biledi. Bir sózben aitqanda, ómirge qulshynysy keremet. Anasy Mariia Shaǵyrovanyń ózi de muǵalim bolǵanymen, qazir sol Shyńǵystyń kútimimen otyr. Mariia eri Erkin Eleýishovpen birge uldarynyń tolyq emdelip, aiaǵynan tik turyp ketýi úshin bar kúshterin salyp-aq keledi.
«Jańa jyl aldynda balamdy qabyldap, qýantqan oblys basshysyna shynaiy rizashylyǵymdy bildiremin. Bári jaqsy boldy. Ózim burynǵy ishki ister organynyń qyzmetkeri retinde qazir zeinettemin. Qyzym Ásel M.Ótemisov atyndaǵy Batys Qazaqstan memlekettik ýniversitetiniń dizain mamandyǵyna ekinshi kýrsta oqyp jatyr. Bizdiń bar oilaitynymyz - osy balamyzdyń bolashaǵy. Densaýlyǵy túzelip, qatarǵa qosylyp ketse deimiz», - dedi Erkin Eleýishov.
