- اياز اتاعا حات جازعان, ەرتەڭ تۋرا توعىزعا تولاتىن شىڭعىستىڭ ارمانى ورىندالدى.
جاڭا جىل قارساڭىندا ارمانىن حاتقا تٷسٸرگەن شىڭعىس سەپيەۆ باتىس قازاقستان وبلىسىنىڭ ەكٸمٸ التاي كٶلگٸنوۆتٸڭ كابينەتٸندە بولدى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
وبلىس باسشىسى شىڭعىستىڭ نۋميزمات ەكەنٸن ەسكەرٸپ, əرٸپتەستەرٸنٸڭ اتىنان بٸرنەشە مەملەكەتتٸڭ ۇلتتىق ۆاليۋتاسىنىڭ بانكنوتتارىن, قازاقستان رەسپۋبليكاسى تəۋەلسٸزدٸگٸنٸڭ 25 جىلدىق مەرەيتويىنا ارنايى شىعارىلعان ەسكەرتكٸش مونەتانى جəنە جاڭاجىلدىق سىيلىقتاردى تارتۋ ەتتٸ. شىڭعىس سونداي-اق, وبلىس əكٸمدٸگٸنٸڭ جينالىس زالدارىمەن تانىستى.
ورال قالاسىنداعى №19 ورتا مەكتەپتٸڭ 3 «د» سىنىبىندا وقيتىن شىڭعىس سەپيەۆ اياز اتاعا: «ەڭ قىزىعى, مەنٸڭ تۋعان كٷنٸم - 31 جەلتوقسان. بيىل مەن 9-عا تولامىن. جٷرە الماسام دا, كٷندە قولاربامەن مەكتەپكە بارىپ وقيمىن. ساباعىمنىڭ بارلىعى - 5. بوس ۋاقىتىمدا مەنتالدى اريفمەتيكا, قولٶنەرمەن اينالىسامىن جەنە مەنٸڭ حوببيٸم بار. ول نۋميزماتيكا, ياعني كٶنە جەنە تەمٸر اقشالاردى جينايمىن. اياز اتا, ارمانداردىڭ ورىندالاتىنىنا سەنەمٸن. بولاشاقتا ٶزٸمنٸڭ جٷرٸپ كەتەتٸنٸمە دە سەنەمٸن. سوندىقتان سٸزدەن سۇرايتىن بٸر ٶتٸنٸشٸم بار. ول - وبلىس ەكٸمٸ التاي سەيدٸرۇلى كٶلگٸنوۆكە بارىپ, كەزدەسٸپ, قالاي جۇمىس ٸستەيتٸنٸن جەنە ەدەمٸ ەكٸمدٸكتٸڭ ٸشٸن كٶرگٸم كەلەدٸ», - دەپ جازعان بولاتىن.
شىڭعىستىڭ سىنىپ جەتەكشٸسٸ راۋشان شايحۋاليەۆانىڭ ايتۋىنشا, ول ساباعىن كٸلەڭ «بەسكە» وقىپ قانا قويماي, مٷمكٸندٸگٸ شەكتەۋلٸ بولعانىنا قاراماستان, مەكتەپٸشٸلٸك شارالارعا, تٷرلٸ ٷيٸرمەلەرگە بەلسەنە قاتىسادى. تەرتٸبٸ ٶتە جاقسى, مەنتالدى اريفمەتيكاعا ٷيٸر, شاحمات ويناپ, بيسەر توقيدى. قالامعا قولى كەش يكەمدەلگەنٸمەن, حاتىنان كٶرٸنٸپ تۇرعانىنداي, ساۋاتتى دا ەدەمٸ جازا بٸلەدٸ. بٸر سٶزبەن ايتقاندا, ٶمٸرگە قۇلشىنىسى كەرەمەت. اناسى مارييا شاعىروۆانىڭ ٶزٸ دە مۇعالٸم بولعانىمەن, قازٸر سول شىڭعىستىڭ كٷتٸمٸمەن وتىر. مارييا ەرٸ ەركٸن ەلەۋٸشوۆپەن بٸرگە ۇلدارىنىڭ تولىق ەمدەلٸپ, اياعىنان تٸك تۇرىپ كەتۋٸ ٷشٸن بار كٷشتەرٸن سالىپ-اق كەلەدٸ.
«جاڭا جىل الدىندا بالامدى قابىلداپ, قۋانتقان وبلىس باسشىسىنا شىنايى ريزاشىلىعىمدى بٸلدٸرەمٸن. بەرٸ جاقسى بولدى. ٶزٸم بۇرىنعى ٸشكٸ ٸستەر ورگانىنىڭ قىزمەتكەرٸ رەتٸندە قازٸر زەينەتتەمٸن. قىزىم ەسەل م.ٶتەمٸسوۆ اتىنداعى باتىس قازاقستان مەملەكەتتٸك ۋنيۆەرسيتەتٸنٸڭ ديزاين ماماندىعىنا ەكٸنشٸ كۋرستا وقىپ جاتىر. بٸزدٸڭ بار ويلايتىنىمىز - وسى بالامىزدىڭ بولاشاعى. دەنساۋلىعى تٷزەلٸپ, قاتارعا قوسىلىپ كەتسە دەيمٸز», - دەدٸ ەركٸن ەلەۋٸشوۆ.
