Aiagózdegi apat ornyna Shyǵys Qazaqstan oblysynyń ákimi Danial Ahmetov baryp, turǵyndarmen kezdesti. Tasqynnan zardap shekken otbasylarǵa turmystyq kómek kórsetý úshin 50 mln teńge bólinetin boldy, dep habarlaidy QazAqparat tilshisi.
Tasqynnan qiraǵan úilerdi aralap, turǵyndarmen kezdesken oblys ákimi áýeli el arasynda taraǵan alypqashpa áńgimelerge qatysty túsinik berdi. Aiagóz qalasyna jaiylǵan sýdyń sý qoimasynan jetkeni týraly aqparattyń anyq-qanyǵyn bilý úshin mamandar tikushaqpen aýmaqty zertteitin boldy. Onyń nátijesi erteń keshke qarai belgili bolýy tiis.
Al baspanasy qirap, otyn-sýsyz qalǵan halyqqa kómek retinde 50 mln teńge bólinetin boldy.
Ákimniń sapary barysynda qala boiynsha 8 úidiń jermen-jeksen bolyp, 10 úidiń apattyq jaǵdaiǵa túskeni anyqtaldy. 148 úige sý kirgen. Úisiz qalǵan otbasylarǵa qalanyń basqa bóliginde salynyp jatqan 60 páterli úiden jańa baspana berilýi múmkin ekeni de aityldy.
«Qazir bul máselege bailanysty arnaiy komissiia jumys istep jatyr. Olar óz jumysyn 10-15 kúnniń ishinde aiaqtaidy. Sondyqtan, turýǵa jaramsyz bolyp qalǵan úilerdiń sany 18-den kóp bolýy múmkin. Qalai bolǵanda da, eshkim kómeksiz qalmaidy. Barlyq turǵyndarǵa tiisti kómek kórsetiledi. Eshkim kómeksiz qalmaidy» - dedi oblys ákimi.
