«Aiagóz-Semei» baǵytyndaǵy jolaýshylar avtobýsy tapa-tal túste órtke orandy, dep habarlaidy "Ult aqparat" TJD-ne silteme jasap.
Abyroi bolǵanda kólikte jolaýshylar bolmaǵan. Júrgizýshisi de aman. Keleńsiz oqiǵa 2 sáýir kúni saǵat 11.00-der shamasynda bolǵan.
Avtobýs Jarma aýdanyna jetkende buzylyp qalady. Qalaǵa jete almaityn bolǵandyqtan júrgizýshi jolaýshylardy Semeige kele jatqan basqa avtobýsqa otyrǵyzady. Al ózi Aiagózge keri qaitady. Biraq júrip kele jatqan avtobýs aiaqasty órtke oranǵan. Tilsiz jaýdyń saldarynan avtobýstyń qozǵaltqysh bóligi men quraldar paneli, ishki salony, oryndyqtar men dóńgelekteri janyp ketken.
«Jaqyn aradaǵy órt sóndirý bólimi 70 shaqyrym jerde ornalasqandyqtan qutqarýshylar oqiǵa ornynan jetkenshe avtobýs janyp ketti. Qazir órttiń shyǵý sebebi men kelgen materialdyq shyǵynnyń kólemi anyqtalýda. Aldyn ala boljamǵa sáikes, órt kóliktegi elektr symdarynyń tuiyqtalýynan shyqqan bolýy múmkin» delingen habarlamada.
