«اياگٶز-سەمەي» باعىتىنداعى جولاۋشىلار اۆتوبۋسى تاپا-تال تٷستە ٶرتكە وراندى, دەپ حابارلايدى "ۇلت اقپارات" تجد-نە سٸلتەمە جاساپ.
ابىروي بولعاندا كٶلٸكتە جولاۋشىلار بولماعان. جٷرگٸزۋشٸسٸ دە امان. كەلەڭسٸز وقيعا 2 سەۋٸر كٷنٸ ساعات 11.00-دەر شاماسىندا بولعان.
اۆتوبۋس جارما اۋدانىنا جەتكەندە بۇزىلىپ قالادى. قالاعا جەتە المايتىن بولعاندىقتان جٷرگٸزۋشٸ جولاۋشىلاردى سەمەيگە كەلە جاتقان باسقا اۆتوبۋسقا وتىرعىزادى. ال ٶزٸ اياگٶزگە كەرٸ قايتادى. بٸراق جٷرٸپ كەلە جاتقان اۆتوبۋس اياقاستى ٶرتكە ورانعان. تٸلسٸز جاۋدىڭ سالدارىنان اۆتوبۋستىڭ قوزعالتقىش بٶلٸگٸ مەن قۇرالدار پانەلٸ, ٸشكٸ سالونى, ورىندىقتار مەن دٶڭگەلەكتەرٸ جانىپ كەتكەن.
«جاقىن اراداعى ٶرت سٶندٸرۋ بٶلٸمٸ 70 شاقىرىم جەردە ورنالاسقاندىقتان قۇتقارۋشىلار وقيعا ورنىنان جەتكەنشە اۆتوبۋس جانىپ كەتتٸ. قازٸر ٶرتتٸڭ شىعۋ سەبەبٸ مەن كەلگەن ماتەريالدىق شىعىننىڭ كٶلەمٸ انىقتالۋدا. الدىن الا بولجامعا سەيكەس, ٶرت كٶلٸكتەگٸ ەلەكتر سىمدارىنىڭ تۇيىقتالۋىنان شىققان بولۋى مٷمكٸن» دەلٸنگەن حابارلامادا.
