QR Ekologiia, geologiia jáne tabiǵi resýrstar ministri Serikqali Brekeshev avtokólik jáne aýyl sharýashylyǵy tehnikasy boiynsha ýtil alymyna jańa stavkalardy bekitý jumystary qai kezeńde ekenin aitty, dep habarlaidy QazAqparat.
«Indýstriia ministrligi osy stavkalar boiynsha bizge ózderiniń esepteýleri men koeffitsientterin usynýy kerek. Qoǵamdastyqpen kelisilgennen keiin, biz ony bekitemiz. Qazirgi kezde «Jasyl Damý» AQ boiynsha óndirýshilerdiń keńeitilgen mindetteri tolyqtai qyzmet etip tur. Serverler iske qosyldy», - dedi S. Brekeshev Májilistiń jalpy otyrysynda depýtattar saýalyna jaýap bere otyryp.
Onyń aitýynsha, búginde ýtil tólemder qabyldanyp jatyr. Ministrlikte zańgerlik blok, tsifrlyq tehnologiia departamenti, biýdjettik josparlaý ókilderinen quralǵan komissiia quryldy.
«Olar «ÓKM Operatory» JShS-nyń qyzmetine sáikes qarajattyń kirister men shyǵystardy qarap jatyr. Qazirgi kezde ekinshi deńgeili bankter shottarynda 220 mlrd teńge bar, bir bóligi ulttyq valiýtada bolsa, qalǵan bóligi dollarmen. Tiisti jumystar júrgizilip jatyr, jaqyn arada avtomobil jáne aýyl sharýashylyǵy tehnikasyna ýtil alym stavkasyn bekitemiz», - dedi vedomstvo basshysy.
