قر ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ اۆتوكٶلٸك جەنە اۋىل شارۋاشىلىعى تەحنيكاسى بويىنشا ۋتيل الىمىنا جاڭا ستاۆكالاردى بەكٸتۋ جۇمىستارى قاي كەزەڭدە ەكەنٸن ايتتى, دەپ حابارلايدى قازاقپارات.
«يندۋسترييا مينيسترلٸگٸ وسى ستاۆكالار بويىنشا بٸزگە ٶزدەرٸنٸڭ ەسەپتەۋلەرٸ مەن كوەففيتسيەنتتەرٸن ۇسىنۋى كەرەك. قوعامداستىقپەن كەلٸسٸلگەننەن كەيٸن, بٸز ونى بەكٸتەمٸز. قازٸرگٸ كەزدە «جاسىل دامۋ» اق بويىنشا ٶندٸرۋشٸلەردٸڭ كەڭەيتٸلگەن مٸندەتتەرٸ تولىقتاي قىزمەت ەتٸپ تۇر. سەرۆەرلەر ٸسكە قوسىلدى», - دەدٸ س. برەكەشەۆ مەجٸلٸستٸڭ جالپى وتىرىسىندا دەپۋتاتتار ساۋالىنا جاۋاپ بەرە وتىرىپ.
ونىڭ ايتۋىنشا, بٷگٸندە ۋتيل تٶلەمدەر قابىلدانىپ جاتىر. مينيسترلٸكتە زاڭگەرلٸك بلوك, تسيفرلىق تەحنولوگييا دەپارتامەنتٸ, بيۋدجەتتٸك جوسپارلاۋ ٶكٸلدەرٸنەن قۇرالعان كوميسسييا قۇرىلدى.
«ولار «ٶكم وپەراتورى» جشس-نىڭ قىزمەتٸنە سەيكەس قاراجاتتىڭ كٸرٸستەر مەن شىعىستاردى قاراپ جاتىر. قازٸرگٸ كەزدە ەكٸنشٸ دەڭگەيلٸ بانكتەر شوتتارىندا 220 ملرد تەڭگە بار, بٸر بٶلٸگٸ ۇلتتىق ۆاليۋتادا بولسا, قالعان بٶلٸگٸ دوللارمەن. تيٸستٸ جۇمىستار جٷرگٸزٸلٸپ جاتىر, جاقىن ارادا اۆتوموبيل جەنە اۋىل شارۋاشىلىعى تەحنيكاسىنا ۋتيل الىم ستاۆكاسىن بەكٸتەمٸز», - دەدٸ ۆەدومستۆو باسشىسى.
