Avstraliiadaǵy birneshe ai boiy toqtamai turǵan orman órtin qasaqana uiymdastyrdy degen aiyppen 200-ge jýyq adam kúdikke alyndy, – dep habarlaidy Baq.kz.
Avstraliia politsiiasy 183 adamdy, onyń ishinde 40 shaqty kámeletke tolmaǵan jastardy sotqa bergen.
183 adamnyń 53-i órt qoldanýǵa tyiym salý týraly eskertýlerdi eskermegen, al 47 adamǵa temeki men sirińkeni órt qaýipsizdigin eskermei qoldanǵan degen aiyp taǵylǵan.
24 adam órtten eń qatty zardap shekken Jańa Ońtústik Ýelste orman órtin qasaqana uiymdastyrdy dep aiyptalǵan.
Aita keteiik, Avstraliiada orman órti órship tur. Eldiń ońtústik-shyǵys bóliginde adamdar órt saldarynan jaǵalaýlarda jan saýǵalaýǵa májbúr. Jyl basynda órtten 12 adam, onyń ishinde 3 erikti órt sóndirýshi qaitys bolǵany málim bolǵan edi. VVS kúzden beri toqtaýsyz janyp turǵan tilsiz jaýmen kúreskender arasynda 24 ot óshirýshi qaza tapqanyn, 17 adam joǵalyp ketkenin habarlady. Ekologtar órt kesirinen milliardtan astam jan-janýar janyp ketken deidi.
Mamandardy ásirese, koalalar alańdatyp otyr. Óitkeni eldiń ońtústik-shyǵys óńirindegi tilsiz jaý kesirinen olardyń 33 protsenti qyrylǵan. Búkil memlekette áli de 200-jýyq ot oshaqtary anyqtaldy. Órt kesirinen 1200-ge jýyq úi qirap, tilsiz jaý 5,9 mln gektar jerdi sharpyp ótken. Bul Daniia men Niderland aýmaǵynan úlken. Avstraliianyń úkimet basshysy Skott Morrison rezervtegi 3 myńǵa jýyq áskeri qyzmetkerdiń órt sóndirý jumystaryna jumyldyrylatynyn málimdedi.
Jasyl qurlyqtaǵy órt tútini Tynyq muhitynan ótip Ońtústik Amerikadaǵy Chili, Argentina jáne Braziliia memleketterine deiin barǵan.
