اۆستراليياداعى بٸرنەشە اي بويى توقتاماي تۇرعان ورمان ٶرتٸن قاساقانا ۇيىمداستىردى دەگەن ايىپپەن 200-گە جۋىق ادام كٷدٸككە الىندى, – دەپ حابارلايدى Baq.kz.
اۆسترالييا پوليتسيياسى 183 ادامدى, ونىڭ ٸشٸندە 40 شاقتى كەمەلەتكە تولماعان جاستاردى سوتقا بەرگەن.
183 ادامنىڭ 53-ٸ ٶرت قولدانۋعا تىيىم سالۋ تۋرالى ەسكەرتۋلەردٸ ەسكەرمەگەن, ال 47 ادامعا تەمەكٸ مەن سٸرٸڭكەنٸ ٶرت قاۋٸپسٸزدٸگٸن ەسكەرمەي قولدانعان دەگەن ايىپ تاعىلعان.
24 ادام ٶرتتەن ەڭ قاتتى زارداپ شەككەن جاڭا وڭتٷستٸك ۋەلستە ورمان ٶرتٸن قاساقانا ۇيىمداستىردى دەپ ايىپتالعان.
ايتا كەتەيٸك, اۆسترالييادا ورمان ٶرتٸ ٶرشٸپ تۇر. ەلدٸڭ وڭتٷستٸك-شىعىس بٶلٸگٸندە ادامدار ٶرت سالدارىنان جاعالاۋلاردا جان ساۋعالاۋعا مەجبٷر. جىل باسىندا ٶرتتەن 12 ادام, ونىڭ ٸشٸندە 3 ەرٸكتٸ ٶرت سٶندٸرۋشٸ قايتىس بولعانى مەلٸم بولعان ەدٸ. ۆۆس كٷزدەن بەرٸ توقتاۋسىز جانىپ تۇرعان تٸلسٸز جاۋمەن كٷرەسكەندەر اراسىندا 24 وت ٶشٸرۋشٸ قازا تاپقانىن, 17 ادام جوعالىپ كەتكەنٸن حابارلادى. ەكولوگتار ٶرت كەسٸرٸنەن ميللياردتان استام جان-جانۋار جانىپ كەتكەن دەيدٸ.
مامانداردى ەسٸرەسە, كوالالار الاڭداتىپ وتىر. ٶيتكەنٸ ەلدٸڭ وڭتٷستٸك-شىعىس ٶڭٸرٸندەگٸ تٸلسٸز جاۋ كەسٸرٸنەن ولاردىڭ 33 پروتسەنتٸ قىرىلعان. بٷكٸل مەملەكەتتە ەلٸ دە 200-جۋىق وت وشاقتارى انىقتالدى. ٶرت كەسٸرٸنەن 1200-گە جۋىق ٷي قيراپ, تٸلسٸز جاۋ 5,9 ملن گەكتار جەردٸ شارپىپ ٶتكەن. بۇل دانييا مەن نيدەرلاند اۋماعىنان ٷلكەن. اۆسترالييانىڭ ٷكٸمەت باسشىسى سكوتت مورريسون رەزەرۆتەگٸ 3 مىڭعا جۋىق ەسكەري قىزمەتكەردٸڭ ٶرت سٶندٸرۋ جۇمىستارىنا جۇمىلدىرىلاتىنىن مەلٸمدەدٸ.
جاسىل قۇرلىقتاعى ٶرت تٷتٸنٸ تىنىق مۇحيتىنان ٶتٸپ وڭتٷستٸك امەريكاداعى چيلي, ارگەنتينا جەنە برازيلييا مەملەكەتتەرٸنە دەيٸن بارعان.
