Foto: NewTimes.kz
Astananyń sol jaǵalaýynda, «EKSPO» aýdanyndaǵy Rysqulov kóshesiniń boiynda júrgizilip jatqan qurylys jurtshylyqtyń narazylyǵyn týdyrdy. №2 qalalyq kópbeiindi aýrýhananyń dál aldynan toǵyz qabatty BAYAAN turǵyn úi kesheniniń boi kóterýi turǵyndar men meditsina qyzmetkerleriniń qarsylyǵyna sebep boldy.
Turǵyndar men dárigerler ne deidi?
Áleýmettik jelide bul qurylysqa qatysty pikirler tasqyny tolastamai tur. Adamdardyń ashýyna tigeni — qala birtindep «qumyrsqa ileýine» ainalyp bara jatqany.
«Dalamyz keń ǵoi, shúkir, nege bárin bir jerge tyǵyzdai beredi? Myna "qumyrsqa ileýiniń" arasynda dem ala almai baramyz. Aýylǵa kóshýge az qaldyq», — deidi ashynǵan turǵyndardyń biri.
Alaida bul máseleniń eń qaýipti tusy — adam ómirine qatysty. Dárigerlerdiń aitýynsha, jańa úi emdeý mekemesiniń jaryǵyn ǵana emes, jedel járdemniń jolyn da jaýyp tastaýy múmkin.
«Men osy aýrýhanada jumys isteimin. Qarsy bettegi úilerdiń ózinen keptelis kóp bolady. Endi aýrýhana men joldyń arasyna kóldeneń úi salyp qoisa, naǵyz «aqyrzaman» sonda bolady. Biz patsientterimizben, jedel járdem kólikterimen birge kóleńkede, keptelistiń ortasynda qalamyz», — deidi aýrýhana qyzmetkeri.
Kei turǵyndar turǵyn úi kesheni biznes-klass bolǵandyqtan, qarapaiym halyqtyń jaǵdaiy eskerilmei, naryq zańy basty ról oinap ketkenin meńzedi.
«Jurttyń bári LRT men «Basqarý» TÚK-in talqylap jatqanda, Astana qurylystyń kelesi deńgeiine ótti: «núkteli» salýdan «nano» salýǵa kóshti. Buny basqasha ataý múmkin emes. Óitkeni jańa Bayaan TÚK-i №2 qalalyq aýrýhananyń dál aldyna, trotýardyń jiegine taqalyp salynyp jatyr. Bul rette meditsinalyq mekemelerdiń janyndaǵy turǵyn úi qurylysyna qoiylatyn sanitarlyq talaptar men turǵyn úi qurylysynyń normalary múldem eskerilmegen. Aita keteiik, keshendi NAK kompaniiasy salyp jatyr, turǵyn úi klasy — biznes+», - dep jazdy bir turǵyn.
Sondai-aq qurylys jumystary emdelýshiler úshin de yńǵaisyzdyq týdyrýy múmkin ekenin aitady.
«Sol jaǵalaýdaǵy jalǵyz aýrýhana edi, sonyń ózin qalqalap tastamaqshysyzdar. Qalaisha qazyq qaǵasyzdar?! Operatsiia jasap jatqan dárigerlerge kedergi bolmaidy dep oilaisyzdar ma?! Al patsientterge she?! UIaTSYZDAR!»
Qurylys basynda ne bolyp jatyr?
BAYAAN keshenin «NAK Investments» kompaniiasy salyp jatyr. Olar buǵan deiin elordada Asylym, Arai Towers, Mangilik El siiaqty tanymal nysandardy turǵyzǵan. Kompaniia bári zańdy ekenin, qoldarynda barlyq ruqsat qaǵazdary baryn aitady. Kompaniia búginde qazandyq qazyp, jumysty bastap ketken. Qurylys basyna aýyr júk kólikteri tynbai kirip-shyǵýda. Bul kólikterdiń kirip-shyǵýyn, turaq máselesin qiyndata túsken. Jedel járdem kólikteriniń ázirge bólek kirý joly bolǵanymen, qurylys aiaqtalǵan soń ol jerdegi kólik legi emdeý mekemesine keletin patsientter úshin úlken kedergige ainalatyny anyq.
Ákimdik ne deidi?
Ákimdik ókilderiniń aitýynsha, joba 2024 jyly Bas josparǵa engizilgen. Jer ýchaskesi «Baiqadam 2022» JShS-ne tiesili. Joba memlekettik saraptamadan ótken, iaǵni bári zań aiasynda júrgizilip jatyr.
Alaida toǵyz qabatty úi boi kótergende, №2 aýrýhanaǵa asyqqan jedel járdem kólikteri «altyn ýaqytyn» kepteliste joǵaltpai ma degen suraq jaýapsyz qalyp otyr.
