فوتو: NewTimes.kz
استانانىڭ سول جاعالاۋىندا, «ەكسپو» اۋدانىنداعى رىسقۇلوۆ كٶشەسٸنٸڭ بويىندا جٷرگٸزٸلٸپ جاتقان قۇرىلىس جۇرتشىلىقتىڭ نارازىلىعىن تۋدىردى. №2 قالالىق كٶپبەيٸندٸ اۋرۋحانانىڭ دەل الدىنان توعىز قاباتتى BAYAAN تۇرعىن ٷي كەشەنٸنٸڭ بوي كٶتەرۋٸ تۇرعىندار مەن مەديتسينا قىزمەتكەرلەرٸنٸڭ قارسىلىعىنا سەبەپ بولدى.
تۇرعىندار مەن دەرٸگەرلەر نە دەيدٸ?
ەلەۋمەتتٸك جەلٸدە بۇل قۇرىلىسقا قاتىستى پٸكٸرلەر تاسقىنى تولاستاماي تۇر. ادامداردىڭ اشۋىنا تيگەنٸ — قالا بٸرتٸندەپ «قۇمىرسقا يلەۋٸنە» اينالىپ بارا جاتقانى.
«دالامىز كەڭ عوي, شٷكٸر, نەگە بەرٸن بٸر جەرگە تىعىزداي بەرەدٸ? مىنا "قۇمىرسقا يلەۋٸنٸڭ" اراسىندا دەم الا الماي بارامىز. اۋىلعا كٶشۋگە از قالدىق», — دەيدٸ اشىنعان تۇرعىنداردىڭ بٸرٸ.
الايدا بۇل مەسەلەنٸڭ ەڭ قاۋٸپتٸ تۇسى — ادام ٶمٸرٸنە قاتىستى. دەرٸگەرلەردٸڭ ايتۋىنشا, جاڭا ٷي ەمدەۋ مەكەمەسٸنٸڭ جارىعىن عانا ەمەس, جەدەل جەردەمنٸڭ جولىن دا جاۋىپ تاستاۋى مٷمكٸن.
«مەن وسى اۋرۋحانادا جۇمىس ٸستەيمٸن. قارسى بەتتەگٸ ٷيلەردٸڭ ٶزٸنەن كەپتەلٸس كٶپ بولادى. ەندٸ اۋرۋحانا مەن جولدىڭ اراسىنا كٶلدەنەڭ ٷي سالىپ قويسا, ناعىز «اقىرزامان» سوندا بولادى. بٸز پاتسيەنتتەرٸمٸزبەن, جەدەل جەردەم كٶلٸكتەرٸمەن بٸرگە كٶلەڭكەدە, كەپتەلٸستٸڭ ورتاسىندا قالامىز», — دەيدٸ اۋرۋحانا قىزمەتكەرٸ.
كەي تۇرعىندار تۇرعىن ٷي كەشەنٸ بيزنەس-كلاسس بولعاندىقتان, قاراپايىم حالىقتىڭ جاعدايى ەسكەرٸلمەي, نارىق زاڭى باستى رٶل ويناپ كەتكەنٸن مەڭزەدٸ.
«جۇرتتىڭ بەرٸ لرت مەن «باسقارۋ» تٷك-ٸن تالقىلاپ جاتقاندا, استانا قۇرىلىستىڭ كەلەسٸ دەڭگەيٸنە ٶتتٸ: «نٷكتەلٸ» سالۋدان «نانو» سالۋعا كٶشتٸ. بۇنى باسقاشا اتاۋ مٷمكٸن ەمەس. ٶيتكەنٸ جاڭا Bayaan تٷك-ٸ №2 قالالىق اۋرۋحانانىڭ دەل الدىنا, تروتۋاردىڭ جيەگٸنە تاقالىپ سالىنىپ جاتىر. بۇل رەتتە مەديتسينالىق مەكەمەلەردٸڭ جانىنداعى تۇرعىن ٷي قۇرىلىسىنا قويىلاتىن سانيتارلىق تالاپتار مەن تۇرعىن ٷي قۇرىلىسىنىڭ نورمالارى مٷلدەم ەسكەرٸلمەگەن. ايتا كەتەيٸك, كەشەندٸ NAK كومپانيياسى سالىپ جاتىر, تۇرعىن ٷي كلاسى — بيزنەس+», - دەپ جازدى بٸر تۇرعىن.
سونداي-اق قۇرىلىس جۇمىستارى ەمدەلۋشٸلەر ٷشٸن دە ىڭعايسىزدىق تۋدىرۋى مٷمكٸن ەكەنٸن ايتادى.
«سول جاعالاۋداعى جالعىز اۋرۋحانا ەدٸ, سونىڭ ٶزٸن قالقالاپ تاستاماقشىسىزدار. قالايشا قازىق قاعاسىزدار?! وپەراتسييا جاساپ جاتقان دەرٸگەرلەرگە كەدەرگٸ بولمايدى دەپ ويلايسىزدار ما?! ال پاتسيەنتتەرگە شە?! ۇياتسىزدار!»
قۇرىلىس باسىندا نە بولىپ جاتىر?
BAYAAN كەشەنٸن «NAK Investments» كومپانيياسى سالىپ جاتىر. ولار بۇعان دەيٸن ەلوردادا Asylym, Arai Towers, Mangilik El سيياقتى تانىمال نىسانداردى تۇرعىزعان. كومپانييا بەرٸ زاڭدى ەكەنٸن, قولدارىندا بارلىق رۇقسات قاعازدارى بارىن ايتادى. كومپانييا بٷگٸندە قازاندىق قازىپ, جۇمىستى باستاپ كەتكەن. قۇرىلىس باسىنا اۋىر جٷك كٶلٸكتەرٸ تىنباي كٸرٸپ-شىعۋدا. بۇل كٶلٸكتەردٸڭ كٸرٸپ-شىعۋىن, تۇراق مەسەلەسٸن قيىنداتا تٷسكەن. جەدەل جەردەم كٶلٸكتەرٸنٸڭ ەزٸرگە بٶلەك كٸرۋ جولى بولعانىمەن, قۇرىلىس اياقتالعان سوڭ ول جەردەگٸ كٶلٸك لەگٸ ەمدەۋ مەكەمەسٸنە كەلەتٸن پاتسيەنتتەر ٷشٸن ٷلكەن كەدەرگٸگە اينالاتىنى انىق.
ەكٸمدٸك نە دەيدٸ?
ەكٸمدٸك ٶكٸلدەرٸنٸڭ ايتۋىنشا, جوبا 2024 جىلى باس جوسپارعا ەنگٸزٸلگەن. جەر ۋچاسكەسٸ «بايقادام 2022» جشس-نە تيەسٸلٸ. جوبا مەملەكەتتٸك ساراپتامادان ٶتكەن, ياعني بەرٸ زاڭ اياسىندا جٷرگٸزٸلٸپ جاتىر.
الايدا توعىز قاباتتى ٷي بوي كٶتەرگەندە, №2 اۋرۋحاناعا اسىققان جەدەل جەردەم كٶلٸكتەرٸ «التىن ۋاقىتىن» كەپتەلٸستە جوعالتپاي ما دەگەن سۇراق جاۋاپسىز قالىپ وتىر.
