Olimpiada chempiony, qazaqstandyq boksshy Daniiar Eleýsinov alǵash ret ishimdikke qatysty máselesi týraly ashyq aityp, jankúierlerine úndeý jasady, dep habarlaidy ult.kz.
Sportshy bul týraly Instagram-daǵy Stories jazbasynda málimdegen. Onyń sózderin Sports.kz basylymy jariialady.
Eleýsinovtyń aitýynsha, Olimpiadadan keiin onyń ómirinde ishimdikke bailanysty qiyndyqtar paida bolǵan. Boksshy bul jaǵdaidyń qalaisha aýrýǵa ainalyp ketkenin ózi de túsinbeitinin aitty.
Ol jurtshylyqtan qiyn jaǵdaiyna kúlip, ony aiyptamaýdy surady.
«Bul sizderdiń basyńyzdan ótpeiinshe, meniń qiyndyqtaryma kúlmeńizder», – degen sportshy ishimdikke qatysty máselelerdi ózi úshin jańa synaq dep atady.
Eleýsinov qazir kei adamdardyń ony «alqash» jáne «alkogolik» dep ataitynyn da atap ótti. Alaida ol qandai jaǵdai bolsa da, olimpiada chempiony bolyp qala beretinin jáne óz isin jalǵastyryp jatqanyn aitty.
Boksshy ózin ózgelerden jaqsy kórsetýge tyryspaitynyn ári aqtalmaitynyn jetkizdi.
Aita keteiik, Daniiar Eleýsinov kólikti ishimdik iship aidaǵany úshin qamalyp, kólik júrgizý quqyǵynan aiyryldy.
Al shilde aiynyń sońynda Qaraǵandyda Daniiar Eleýsinovtyń áieline qatysty sot úkimi shyqqan. Ol eki jergilikti turǵynǵa dene jaraqatyn salý isi boiynsha kináli dep tanylǵan.
