Mańǵystaý oblysy ákimi Eraly Toqjanovtyń nazaryna!
Zamanymyzdyń ǵulama jazýshysy Ábish Kekilbaev aǵamyz «Mańǵystaý - aspan astyndaǵy ashyq murajai» dep beker aitpasa kerek. Elimizdegi memlekettiń qorǵalýyndaǵy 26 myńnan asa tarihi –mádeni eskerkishtiń teń jartysy kieli Mańǵystaý jerinde ornalasqan.
Ol eskerkishterdiń kópshiligi Beket ata, Shopan ata, Shaqpaq ata, Qaraman ata, Sisem ata, Esen ata siiaqty áýlielik jerler ekeni belgili. Sońǵy jyldary bul oryndarǵa sheteldik týrister kóptep kelýde. Árine, týristik sala elimizdiń ekonomikasyn kóterip, tarihi jerlerimizdi álemge tanytýǵa qosar úlesi kóp ekeni belgili. Al, tabys taýyp júrgen týristtik firmalaryń ókilderi de jergilikti halyqtyń salt-dástúrin, ádet-ǵurpyn, dini kózqarasyn jaqsy bilmeidi. Sonyń saldarynan jergilikti halyqtyń ashý- yzasyna tietin áreketter oryn alýda.
Jaqynda Aqtaý qalasynda turatyn syilas inim, telefon soqty. «Jáke, men Qurban aittan buryn, Shaqpaq ata basyna ziiarat etýge barǵan bolatynmyn. Barsam Shaqpaq ata jerasty meshitiniń ishindegi namaz oqityn bólmesinde 4-5 sheteldik azamat syra iship, chipsi jep otyr eken. Qýyp shyqtym. Álgi týristerdi bastap aparyp júrgen orys kelinshek» dedi. Budan asqan árýaqty qorlaýdyń joly joq shyǵar?! Biz buǵan shara qoldanbasaq bizdi jerliń kiesi, eldiń iesi atalardyń arýaǵy atatyn bolady.
Sońǵy kezderi áýlielerimizdiń basy, erikken týristerdiń jyn-oinaq jasaityn ordasyna ainalyp barady. Shyraqshylardyń kóbi buryn kóterilip aýyrǵandar men túrmeden shyqqan belgisiz bireýler. Olardyń salt-dástúrden de, dinnin de, tarihtan da esh habary joq jandar. Solardyń kópshiligi ózderi shyraqshy bolyp otyrǵan qaýymnyń tarihyn bilmek túgili qazaqsha da jarytyp sóilei almaidy. Shuǵyl túrde! Oblys ákiminiń tapsyrmasymen arnaiy komissiia qurylý kerek.
Komissiiany oblys ákiminiń orynbasary basqarsa, komissiia quramyna áýlielik oryndardyń shyraqshylary, týristik firmalardyń basshylary, aqsaqaldar, meshit imamdar, el azamattary, áýlielik jerlerge adam aparyp júrgen taksister kirýi kerek. Bir ortaq pátýaǵa kelip « Áýlielik jerlerge ziiarat etýdiń ortaq erejesi» qabyldaýymyz qajet!
Jerdiń kiesi, eldiń iesi baryn umytpaiyq, aǵaiyn!
Jánibek Qojyqtyń feisbýktaǵy jazbasynan
