ماڭعىستاۋ وبلىسى ەكٸمٸ ەرالى توقجانوۆتىڭ نازارىنا!
زامانىمىزدىڭ عۇلاما جازۋشىسى ەبٸش كەكٸلباەۆ اعامىز «ماڭعىستاۋ - اسپان استىنداعى اشىق مۇراجاي» دەپ بەكەر ايتپاسا كەرەك. ەلٸمٸزدەگٸ مەملەكەتتٸڭ قورعالۋىنداعى 26 مىڭنان اسا تاريحي –مەدەني ەسكەركٸشتٸڭ تەڭ جارتىسى كيەلٸ ماڭعىستاۋ جەرٸندە ورنالاسقان.
ول ەسكەركٸشتەردٸڭ كٶپشٸلٸگٸ بەكەت اتا, شوپان اتا, شاقپاق اتا, قارامان اتا, سيسەم اتا, ەسەن اتا سيياقتى ەۋليەلٸك جەرلەر ەكەنٸ بەلگٸلٸ. سوڭعى جىلدارى بۇل ورىندارعا شەتەلدٸك تۋريستەر كٶپتەپ كەلۋدە. ەرينە, تۋريستٸك سالا ەلٸمٸزدٸڭ ەكونوميكاسىن كٶتەرٸپ, تاريحي جەرلەرٸمٸزدٸ ەلەمگە تانىتۋعا قوسار ٷلەسٸ كٶپ ەكەنٸ بەلگٸلٸ. ال, تابىس تاۋىپ جٷرگەن تۋريستتٸك فيرمالارىڭ ٶكٸلدەرٸ دە جەرگٸلٸكتٸ حالىقتىڭ سالت-دەستٷرٸن, ەدەت-عۇرپىن, دٸني كٶزقاراسىن جاقسى بٸلمەيدٸ. سونىڭ سالدارىنان جەرگٸلٸكتٸ حالىقتىڭ اشۋ- ىزاسىنا تيەتٸن ەرەكەتتەر ورىن الۋدا.
جاقىندا اقتاۋ قالاسىندا تۇراتىن سىيلاس ٸنٸم, تەلەفون سوقتى. «جەكە, مەن قۇربان ايتتان بۇرىن, شاقپاق اتا باسىنا زييارات ەتۋگە بارعان بولاتىنمىن. بارسام شاقپاق اتا جەراستى مەشٸتٸنٸڭ ٸشٸندەگٸ ناماز وقيتىن بٶلمەسٸندە 4-5 شەتەلدٸك ازامات سىرا ٸشٸپ, چيپسي جەپ وتىر ەكەن. قۋىپ شىقتىم. ەلگٸ تۋريستەردٸ باستاپ اپارىپ جٷرگەن ورىس كەلٸنشەك» دەدٸ. بۇدان اسقان ەرۋاقتى قورلاۋدىڭ جولى جوق شىعار?! بٸز بۇعان شارا قولدانباساق بٸزدٸ جەرلٸڭ كيەسٸ, ەلدٸڭ يەسٸ اتالاردىڭ ارۋاعى اتاتىن بولادى.
سوڭعى كەزدەرٸ ەۋليەلەرٸمٸزدٸڭ باسى, ەرٸككەن تۋريستەردٸڭ جىن-ويناق جاسايتىن ورداسىنا اينالىپ بارادى. شىراقشىلاردىڭ كٶبٸ بۇرىن كٶتەرٸلٸپ اۋىرعاندار مەن تٷرمەدەن شىققان بەلگٸسٸز بٸرەۋلەر. ولاردىڭ سالت-دەستٷردەن دە, دٸننٸن دە, تاريحتان دا ەش حابارى جوق جاندار. سولاردىڭ كٶپشٸلٸگٸ ٶزدەرٸ شىراقشى بولىپ وتىرعان قاۋىمنىڭ تاريحىن بٸلمەك تٷگٸلٸ قازاقشا دا جارىتىپ سٶيلەي المايدى. شۇعىل تٷردە! وبلىس ەكٸمٸنٸڭ تاپسىرماسىمەن ارنايى كوميسسييا قۇرىلۋ كەرەك.
كوميسسييانى وبلىس ەكٸمٸنٸڭ ورىنباسارى باسقارسا, كوميسسييا قۇرامىنا ەۋليەلٸك ورىنداردىڭ شىراقشىلارى, تۋريستٸك فيرمالاردىڭ باسشىلارى, اقساقالدار, مەشٸت يمامدار, ەل ازاماتتارى, ەۋليەلٸك جەرلەرگە ادام اپارىپ جٷرگەن تاكسيستەر كٸرۋٸ كەرەك. بٸر ورتاق پەتۋاعا كەلٸپ « ەۋليەلٸك جەرلەرگە زييارات ەتۋدٸڭ ورتاق ەرەجەسٸ» قابىلداۋىمىز قاجەت!
جەردٸڭ كيەسٸ, ەلدٸڭ يەسٸ بارىن ۇمىتپايىق, اعايىن!
جەنٸبەك قوجىقتىڭ فەيسبۋكتاعى جازباسىنان
