Atyraý oblystyq jastar saiasaty máseleleri jónindegi basqarmanyń bastamasymen ShQO-da sý deńgeiiniń kóterilýinen zardap shekkenderge gýmanitarlyq kómek jinaityn shtab ashyldy. Aimaqtaǵy memlekettik qyzmetshiler de bastamaǵa ún qosyp, zardap shekkenderge qarjylai kómek aýdarýǵa niet bildirip otyr, - dep habarlaidy Atyraý oblysy ákiminiń baspasóz qyzmeti.
Oblystyq jastar saiasaty máseleleri jónindegi basqarma basshysy Rollan Quspannyń aitýynsha, dúisenbi, 12 naýryz kúni Shyǵys Qazaqstan oblysynda sý tasqynynan zardap shekkenderge gýmanitarlyq kómek jinaý úshin jastar resýrstyq ortalyǵy bazasynda shtab ashylǵan.
- Bul bastamany barlyq jastar uiymdary qyzý qoldady, - deidi Rollan Quspan. –Gýmanitarlyq kómek 19 naýryzǵa deiin jinalady. Sodan keiin Shyǵys Qazaqstan oblysyna jóneltemiz. Bizdiń eriktilerimiz de sý tasqyny bolǵan jerlerge baryp, qoldarynan keletin kómekterin kórsetýge nietti.
Sondai-aq, Atyraý oblysy ákimi apparaty men basqarmalar sý tasqynynan zardap shekkenderge qarjylai kómek jinap jatyr. Memlekettik qyzmetshilerdiń bir kúndik eńbekaqylary arnaiy esepshot ashylǵannan keiin sý tasqynynan zardap shekkenderdiń esepshottaryna aýdarylady.
