اتىراۋ وبلىستىق جاستار ساياساتى مەسەلەلەرٸ جٶنٸندەگٸ باسقارمانىڭ باستاماسىمەن شقو-دا سۋ دەڭگەيٸنٸڭ كٶتەرٸلۋٸنەن زارداپ شەككەندەرگە گۋمانيتارلىق كٶمەك جينايتىن شتاب اشىلدى. ايماقتاعى مەملەكەتتٸك قىزمەتشٸلەر دە باستاماعا ٷن قوسىپ, زارداپ شەككەندەرگە قارجىلاي كٶمەك اۋدارۋعا نيەت بٸلدٸرٸپ وتىر, - دەپ حابارلايدى اتىراۋ وبلىسى ەكٸمٸنٸڭ باسپاسٶز قىزمەتٸ.
وبلىستىق جاستار ساياساتى مەسەلەلەرٸ جٶنٸندەگٸ باسقارما باسشىسى روللان قۇسپاننىڭ ايتۋىنشا, دٷيسەنبٸ, 12 ناۋرىز كٷنٸ شىعىس قازاقستان وبلىسىندا سۋ تاسقىنىنان زارداپ شەككەندەرگە گۋمانيتارلىق كٶمەك جيناۋ ٷشٸن جاستار رەسۋرستىق ورتالىعى بازاسىندا شتاب اشىلعان.
- بۇل باستامانى بارلىق جاستار ۇيىمدارى قىزۋ قولدادى, - دەيدٸ روللان قۇسپان. –گۋمانيتارلىق كٶمەك 19 ناۋرىزعا دەيٸن جينالادى. سودان كەيٸن شىعىس قازاقستان وبلىسىنا جٶنەلتەمٸز. بٸزدٸڭ ەرٸكتٸلەرٸمٸز دە سۋ تاسقىنى بولعان جەرلەرگە بارىپ, قولدارىنان كەلەتٸن كٶمەكتەرٸن كٶرسەتۋگە نيەتتٸ.
سونداي-اق, اتىراۋ وبلىسى ەكٸمٸ اپپاراتى مەن باسقارمالار سۋ تاسقىنىنان زارداپ شەككەندەرگە قارجىلاي كٶمەك جيناپ جاتىر. مەملەكەتتٸك قىزمەتشٸلەردٸڭ بٸر كٷندٸك ەڭبەكاقىلارى ارنايى ەسەپشوت اشىلعاننان كەيٸن سۋ تاسقىنىنان زارداپ شەككەندەردٸڭ ەسەپشوتتارىنا اۋدارىلادى.
